Treth Trafodiadau Tir: Yr hyn sy’n wahanol i Dreth Dir y Dreth Stamp

Llywodraeth Cymru sy’n pennu cyfraddau a bandiau’r Dreth Trafodiadau Tir.

I gyfrifo faint o Dreth Trafodiadau Tir i'w thalu defnyddiwch ein cyfrifiannell treth.

Llywodraeth y DU sy’n pennu cyfraddau a bandiau Treth Dir y Dreth Stamp.

I gyfrifo faint o Dreth Dir y Dreth Stamp i’w thalu, defnyddiwch gyfrifiannell treth Cyllid a Thollau Ei Mawrhydi.

Ni fydd prynu prif breswylfa newydd yn drethadwy o dan y Dreth Trafodiadau Tir ar y gyfradd uwch os ceir gwared ar y brif breswylfa flaenorol.

Fodd bynnag, os bydd y gwerthwr yn prynu eiddo arall (ee prynu-i-osod) cyn gorffen prynu prif breswylfa newydd, mae’n bosibl y bydd gofyn i’r gwerthwr ‘edrych yn ôl’ ar y rhyng-drafodiad hwnnw a thalu’r cyfraddau uwch.

Mae gan y Dreth Trafodiadau Tir ei chanllawiau dehongli penodol ei hun.

Dim ond ar unrhyw bremiwm (neu gydnabyddiaeth arall) nad yw’n cynnwys rhent mae’r Dreth Trafodiadau Tir yn daladwy.

Nid yw ffigurau rhent yn ofynnol wrth lenwi ffurflen dreth ar gyfer les preswyl newydd.

Mae’r band 0% ar gyfer premiymau (a chydnabyddiaeth arall ar wahân i rent) yn ymestyn hyd at £150,000.

Gall y band hwn gynyddu i 1% os yw'r ‘rhent perthnasol’ yn fwy na £13,500.

Fel rheol, y rhent perthnasol yw’r swm uchaf o rent sy’n daladwy mewn unrhyw flwyddyn dros gyfnod cyfan y les.

Nid oes rhyddhad ar gael i brynwyr tro cyntaf.

Ar hyn o bryd, mae’r band 0% yn berthnasol i bryniannau hyd at £225,000.

Mae rhyddhad ar gael i brynwyr tro cyntaf.

Ar hyn o bryd, mae’r band 0% yn berthnasol i bryniannau hyd at £250,000, neu £425,000 i brynwyr tro cyntaf.

Ceir rheol gwrth-osgoi sy’n berthnasol i bob rhyddhad cysylltiedig â'r Dreth Trafodiadau Tir.

Mae'r rheol gwrth-osgoi gyffredinol yn caniatáu i’r Awdurdod Cyllid fynd yn groes i unrhyw drefniant osgoi treth artiffisial.

Ceir rheolau sy’n targedu agweddau penodol ar ryddhad penodol.

Mae rheolau gwrth-osgoi Adrannau 75A-C Deddf Cyllid 2003 yn berthnasol.