Gofynion cynnyrch LLYW.CYMRU

Cofiwch sicrhau cymeradwyaeth cyn ymrwymo i brosiect.

Mae angen i bob cynnyrch ar gyfer LLYW.CYMRU sy’n newydd neu’n cael ei newid yn sylweddol gael ei gymeradwyo gan Gyfarwyddwr Cyfathrebu. Gall staff Llywodraeth Cymru gael help drwy chwilio’r fewnrwyd am 'cymeradwyo gwefan’.

Rhaid cael cymeradwyaeth ar gyfer prosiectau Llywodraeth Cymru sy'n gwario dros £2,000 ar Dechnoleg Gwybodaeth a Chyfathrebu (TGCh).

Gall staff Llywodraeth Cymru gael help drwy chwilio'r fewnrwyd am '‌Awdurdod Cynllunio Datrysiadau'.

Rhaid i gynnyrch LLYW.CYMRU ddilyn system ddylunio Global Experience Language (GEL) a chael cymeradwyaeth dylunio.

Mae canllawiau manwl ar agweddau ar GEL yn cynnwys:

• enwi eich offeryn neu wasanaeth LLYW.CYMRU
• strwythuro ffurflenni ar LLYW.CYMRU
• canllawiau ar droedynnau ar gyfer cynnyrch
• caniatâd cwcis

Rhaid ysgrifennu'r cynnwys ar gyfer cynnyrch LLYW.CYMRU mewn ffordd sy'n gweithio'n dda ar-lein. Cewch wybod mwy yn y cyflwyniad i ysgrifennu ar gyfer LLYW.CYMRU.

Rhaid i'ch cynnyrch fod yn hygyrch i bawb sydd ei angen neu efallai y byddwch yn torri'r gyfraith. Dilynwch y safonau hygyrchedd ar gyfer LLYW.CYMRU.

Ni ddylid trin y Gymraeg yn llai ffafriol na'r Saesneg. Dilynwch y cyngor ar y Gymraeg mewn cyfathrebu digidol.

Mae angen amrywiaeth o sgiliau i greu cynnyrch da. Dysgwch sut mae creu tîm i gynnig gwasanaeth LLYW.CYMRU.

Dylech sicrhau bod eich cynnyrch yn cynnig gwerth am arian, yn ddibynadwy, yn gweithio ar draws gwahanol ddyfeisiau ac yn ddiogel. Dilynwch y cyngor ar y canlynol:

• diogelwch
• enwau parthau
• cymorth porwr

Dylai timau ddefnyddio ymchwil i'w helpu i ddeall defnyddwyr a chreu cynnyrch sy'n diwallu eu hanghenion.

Gall staff Llywodraeth Cymru gael help drwy chwilio'r fewnrwyd am 'Cyngor ar Ddigidol, Data a Thechnoleg (DDaT)'.

Dilynwch yr egwyddorion a ddisgrifir yn y safonau gwasanaethau digidol Cymru a gyhoeddwyd gan y Ganolfan Gwasanaethau Cyhoeddus Digidol.