Treth ar waredu gwastraff i safleoedd tirlenwi yw’r Dreth Gwarediadau Tirlenwi (TGT) a godir yn unol â phwysau.
Mae 3 cyfradd o Dreth Gwarediadau Tirlenwi:
- cyfradd is ar gyfer deunyddiau sy’n bodloni’r amodau a amlinellir yn Neddf Treth Gwarediadau Tirlenwi (Cymru) 2017
- cyfradd safonol ar gyfer yr holl ddeunyddiau eraill
- cyfradd gwarediadau heb eu hawdurdodi ar gyfer gwarediadau trethadwy a wneir mewn mannau heblaw safleoedd tirlenwi awdurdodedig
| Cyfradd safonol | Cyfradd is | Cyfradd gwarediadau heb eu hawdurdodi | |
|---|---|---|---|
| 2023 i 2024 | £102.10 | £3.25 | £153.15 |
| 2022 i 2023 | £98.60 | £3.15 | £147.90 |
| 2021 i 2022 | £96.70 | £3.10 | £145.05 |
| 2020 i 2021 | £94.15 | £3.00 | £141.20 |
| 2019 i 2020 | £91.35 | £2.90 | £137.00 |
| 2018 i 2019 | £88.95 | £2.80 | £133.45 |
Mae cyfraddau is a safonol y dreth yn parhau i fod yn gyson â’r cyfraddau yng ngweddill y DU.
Mae’r gyfradd gwarediadau heb eu hawdurdodi yn 150% o’r gyfradd safonol. Mae hyn yn ataliaeth ariannol ychwanegol ar gyfer pobl sy’n bwriadu gwaredu gwastraff yn anghyfreithlon.
Disodlodd TGT y Dreth Dirlenwi yng Nghymru ym mis Ebrill 2018. Os oes gennych ymholiadau ynglŷn â’r Dreth Dirlenwi yng Nghymru hyd at a chan gynnwys 31 Mawrth 2018, cysylltwch â Chyllid a Thollau EM.