Ystadegau’r Dreth Trafodiadau Tir: Ebrill 2020 i Mawrth 2021

Mae ein hystadegau blynyddol ar gyfer Treth Trafodiad Tir yn cynnwys:

• datganiad ystadegol blynyddol yn rhoi sylwadau ar dueddiadau blynyddol Treth Trafodiad Tir, gan gynnwys data ar gyfer ardaloedd lleol yng Nghymru
   
• erthygl yn egluro ein hystadegau ardaloedd lleol a sut i ddefnyddio ystadegau ar gyfraddau uwch Treth Trafodiad Tir. Cyhoeddwyd yr erthygl hon i ddechrau ym mis Tachwedd 2020 ac mae wedi'i hadnewyddu. Diweddarwyd data ychwanegol sy'n dadansoddi trafodiadau cyfraddau uwch (gweler yr adran Data)
   
• data perfformiad a ddefnyddir yn Adroddiad Blynyddol a Chyfrifon Awdurdod Cyllid Cymru. Nid yw'r data hwn yn ystadegau swyddogol

Newidiadau cyfraddau Treth Trafodiadau Tir ac effaith yr achosion o coronafirws (COVID-19)

Dylai'r data yn y datganiad hwn gael ei ystyried yng nghyd-destun y pandemig coronafeirws (COVID-19) a newidiadau dilynol i gyfraddau Treth Trafodiadau Tir a gyflwynwyd ar 27 Gorffennaf 2020 a 22 Rhagfyr 2020. Cafodd hyn effaith sylweddol ar nifer y trafodiadau eiddo a’r dreth a oedd yn ddyledus yn ystod gwahanol rannau o 2020-21, gyda chwymp sylweddol ar ddechrau’r flwyddyn yn cael ei wrthbwyso’n rhannol gan godiadau amlwg yn ddiweddarach yn y flwyddyn. Dylid cofio hyn wrth edrych ar newidiadau rhwng y cyfnodau amser a gynhwysir yma, ac unrhyw ffigurau cyfatebol flwyddyn ynghynt.

Gwybodaeth bellach

Gweler yr adran ‘Data’ isod am daenlen gyda’r tablau data a’r data siartiau a ddefnyddiwyd yn yr adroddiad hwn. Hefyd, mae’r setiau data Treth Trafodiadau Tir manwl i’w gweld ar wefan StatsCymru.

Rydym hefyd yn cyhoeddi ystadegau misol a chwarterol i'w gweld ar dudalen cyfres y Dreth Trafodiadau Tir.

Mae ystadegau misol yn ddiweddariadau data yn unig heb unrhyw sylwebaeth. Gall yr ystadegau misol fod â mwy o ddata cyfoes nag ystadegau chwarterol neu flynyddol. Mae ystadegau chwarterol yn cynnwys y sylwebaeth ystadegol ddiweddaraf.