Tlodi incwm cymharol: Ebrill 2018 i Fawrth 2019

Mae'r holl ffigurau yma yn ymwneud â thlodi incwm cymharol yng Nghymru ar ôl talu costau tai megis taliadau llog ar forgeisi /rhent, ardrethi dŵr ac yswiriant adeiladau.

Prif canfyddiadau allweddol

• Roedd 23% o'r holl bobl yng Nghymru yn byw mewn tlodi incwm cymharol rhwng 2016-17 a 2018-19.
• Mae'r ffigur hwn wedi aros yn gymharol sefydlog ar gyfer y 16 cyfnod amser blaenorol. Ar 23%, mae’r ffigur ychydig yn is na’r llynedd.
• Plant yw'r grŵp oedran mwyaf tebygol o fod mewn tlodi incwm cymharol (ar 28%) ac mae hyn wedi bod yn wir ers peth amser. Dyma’r pedwerydd tro mae’r ffigur wedi bod yn is na 30% ers y cyfnod hyd at 2005-06.
• Rheswm posibl pam mai plant yw’r grŵp oedran sy'n fwyaf tebygol o fod mewn tlodi incwm cymharol yw bod oedolion â phlant yn fwy tebygol o fod yn ddi-waith neu mewn gwaith tâl isel oherwydd cyfrifoldebau gofal plant.
• Roedd 22% o oedolion o oedran gweithio yn byw mewn tlodi incwm cymharol rhwng 2016-17 a 2018-19.
• Mae hyn i lawr o’r 23% a adroddwyd y llynedd. Mae'r ffigur wedi bod o gwmpas 21% i 23% ar gyfer y rhan fwyaf o'r cyfnodau amser ers diwedd y 1990au.
• Roedd 19% o bensiynwyr yng Nghymru yn byw mewn tlodi incwm cymharol rhwng 2016-17 a 2018-19.
• Gyda 19%, mae'r ffigur yr un peth a adroddwyd y llynedd, ac mae'n dal yn is na'r hyn yr oedd drwy gydol y canol i ddiwedd y 1990au.

Dadansoddiad gan nodweddion economaidd, teuluol, ethnigrwydd ac anabledd

• Yr oedd oedolion oedran gweithio a oedd yn byw mewn tai cymdeithasol ar rent yn fwy tebygol o fod mewn tlodi incwm cymharol o’u gymharu â’r rheini oedd yn rhentu’n breifat neu’n perchen-feddianwyr.
• Roedd byw mewn aelwydydd lle nad oedd neb yn gweithio yn cynyddu’r tebygrwydd o fyw mewn tlodi incwm cymharol ar gyfer oedolion o oedran gweithio a phlant.
• Roedd plant a oedd yn byw mewn teuluoedd un rhiant yn fwy tebygol o fod mewn tlodi incwm cymharol na’r rheini a oedd yn byw mewn aelwydydd â chyplau.
• Roedd y tebygolrwydd o fod mewn tlodi incwm cymharol yn uwch i’r plant hynny a oedd yn byw mewn cartref gyda thri neu mwy o blant.
• Roedd pobl a oedd yn byw mewn cartrefi lle’r oedd pennaeth yr aelwyd o grŵp ethnig heb fod yn wyn yn fwy tebygol o fod mewn tlodi incwm cymharol,
• Roedd byw mewn aelwyd gyda pherson ag anabledd yn gwneud tlodi incwm cymharol yn fwy tebygol ar gyfer plant a phobl o oedran gweithio, ond nid ar gyfer pensiynwyr.