Gweithgarwch Gwasanaethau Cymdeithasol: Ebrill 2018 i Mawrth 2019

Prif bwyntiau

• Cynhaliwyd 118,464 o asesiadau o’r angen i ddarparu gofal a chymorth i oedolion a phlant. Arweiniodd 33,464 at roi cynllun gofal a chymorth ar waith.
• Cynhaliwyd 8,156 o asesiadau o'r angen i ddarparu cymorth i ofalwyr a gofalwyr ifanc, a arweiniodd at roi 3,407 o gynlluniau cymorth i ofalwyr ar waith.
• Darparwyd 125,415 o wasanaethau i oedolion drwy gynllun gofal a chymorth neu gynllun cymorth.
• Derbyniwyd 20,472 adroddiad lle'r oedd amheuaeth bod oedolyn mewn perygl o gael ei gam-drin neu ei esgeuluso.
• Roedd 2,820 o blant ar y gofrestr amddiffyn plant ar 31 Mawrth 2019.
• Cafodd £1,921 miliwn ei wario ar wasanaethau cymdeithasol gan awdurdodau lleol ledled Cymru.

Nodyn

Mae’r cyhoeddiad newydd hwn, Gweithgarwch Gwasanaethau Cymdeithasol, yn cynnwys gwybodaeth a gyhoeddwyd yn flaenorol yn y adroddiadau ystadegol canlynol: Oedolion sy'n derbyn gofal a chymorth, Plant sy'n derbyn gofal a chymorth, Diogelu oedolion a Maethu preifat.

Hysbysiad o atal dros dro

Adolygwyd casgliadau data, gweithgarwch ymchwil ac allbynnau Llywodraeth Cymru yn sgil y pandemig coronafeirws (COVID-19); mae ein datganiad yn egluro hyn ymhellach. Penderfynwyd y byddai'r casgliadau data y mae'r datganiad ystadegol hwn yn seiliedig arnynt yn cael eu hatal ar gyfer 2019-20; ac felly ni fydd unrhyw gyhoeddiad wedi'i ddiweddaru ar gyfer y flwyddyn adrodd hon.