Mae gofal critigol wedi chwarae rhan hanfodol – gan achub bywydau yn aml – wrth drin pobl sydd wedi bod yn ddifrifol wael ar ôl dal y coronafeirws yng Nghymru.
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Mae staff y GIG sy’n gweithio mewn unedau gofal critigol mewn ysbytai ledled Cymru yn arbenigwyr yn eu maes, gan ddarparu gofal arbenigol rownd y cloc i bobl sâl iawn a phobl sydd wedi cael anafiadau.
Dywedodd Dr Andrew Goodall, prif weithredwr GIG Cymru:
“Mae staff gofal critigol wedi bod yn trin perygl mwyaf y pandemig ac rydw i eisiau diolch iddyn nhw am eu hymdrechion eithriadol ac am y gofal maen nhw wedi’i roi – nid dim ond ym mrig y pandemig, ond bob dydd i’r holl bobl hynny yr oedd eu bywydau’n dibynnu arno.”
354
Nifer y gwelyau gofal critigol sydd ar gael yng Nghymru ar ddiwedd yr wythnos hon (Mai 19). Mae hyn yn cynnwys y capasiti gofal critigol ychwanegol sydd wedi’i greu i ymateb i bandemig y coronafeirws.
62%
O’n gwelyau gofal critigol yn wag ar hyn o bryd ac ar gael i’w defnyddio os oes angen ar ddiwedd yr wythnos hon (Mai 27).
42
Nifer y bobl sy’n cael eu trin mewn unedau gofal critigol ac sydd â’r coronafeirws. Nid oes gan fwyafrif y bobl sy’n cael eu trin mewn unedau gofal critigol y coronafeirws ar ddiwedd yr wythnos hon (Mai 27).
506
Nifer y bobl sydd wedi cael eu trin mewn unedau gofal critigol am y coronafeirws yng Nghymru ers dechrau’r pandemig ar ddiwedd yr wythnos hon (Mai 27).
Llai na 10%
O bobl sy’n cael eu derbyn i ysbyty gyda’r coronafeirws yn cael eu derbyn i ofal critigol. Ein hamcanestyniadau cychwynnol ar ddechrau’r pandemig oedd y byddai’r ffigur hwn yn llawer uwch.
56
Cyfartaledd oedran y bobl â choronafeirws sy’n cael eu trin mewn unedau gofal critigol
75%
O’r bobl â’r coronafeirws sy’n cael eu hanfon i unedau gofal critigol yn cael eu rhoi ar beiriant anadlu mecanyddol o fewn y 24 awr cyntaf.
11 diwrnod
Faint o amser ar gyfartaledd mae rhywun â’r coronafeirws angen cymorth anadlu mewn unedau gofal critigol.
85%
O’r bobl â’r coronafeirws sydd angen cymorth anadlu mewn unedau gofal critigol wedi cael cymorth uwch a 44% wedi cael cymorth anadlu sylfaenol.
Bron 5,500
Nifer y bobl sydd wedi cael eu rhyddhau o ysbyty, gan gynnwys gofal critigol, ar ôl derbyn triniaeth ar gyfer y coronafeirws ers dechrau’r pandemig.