Data cryno am coronafeirws (COVID-19) a'r ymateb iddo: 10 Rhagfyr 2020
Trosolwg o ystadegau coronafeirws a'r ymateb gan gynnwys y gefnogaeth a ddarparwyd hyd at 8 Rhagfyr 2020.
Efallai na fydd y ffeil hon yn gyfan gwbl hygyrch.
Ar y dudalen hon
1. Cadw pellter cymdeithasol
Gostyngodd symudedd yn sylweddol ddiwedd mis Mawrth, ond cynyddodd yn raddol tan yr haf. Ers y cyfnod atal byr mae symudedd wedi bod yn sefydlog, ond gyda chynnydd mewn manwerthu a hamdden ac archfarchnadoedd.
Ffynhonnell: Adroddiadau Symudedd Cymunedol COVID-19 Google
Data ar: 4 Rhagfyr 2020
2. Y Gronfa Cymorth Dewisol
Rhwng 18 Mawrth a 3 Rhagfyr gwnaed 118,575 o Daliadau Cymorth mewn Argyfwng yn ymwneud â COVID-19, gwerth cyfanswm o £7.73 miliwn.
Dechreuwyd cofnodi ar 18 Mawrth. Mae’r rhesymau cysylltiedig â COVID-19 y mae ymgeiswyr yn eu rhoi yn cynnwys:
- gorfod rhoi’r gorau i weithio neu leihau gwaith
- oedi o ran hawlio budd-dal
- costau ynni/bwyd uwch (teulu gartref)
Nifer ddyddiol o Daliadau Cymorth mewn Argyfwng (MS Excel)
Yn dilyn cyhoeddiad 1 Mai o fwy o gyllid, bydd ceisiadau'n cael eu trin â mwy o ddisgresiwn a hyblygrwydd, wrth ddelio â hawliadau caledi COVID-19. Cefndir pellach i’r Cronfa Cymorth Dewisol.
Ffynhonnell: Llywodraeth Cymru
Data ar: 4 Rhagfyr 2020
3. Cymorth i fusnesau
Ar 9 Rhagfyr 2020, mae trydydd cam y Gronfa Cadernid Economaidd wedi cynnig 46.4 mil o grantiau sef cyfanswm o £149.3 miliwn. Mae hyn yn cynnwys Grantiau Datblygu Busnes a'r Gronfa i Fusnesau dan Gyfyngiadau.
Ffynhonnell: Llywodraeth Cymru
Data ar: 9 Rhagfyr 2020
4. Cronfa Cadernid y Trydydd Sector
Yn darparu cymorth ariannol uniongyrchol i sefydliadau yn y trydydd sector sydd angen help i ymdopi â'r argyfwng hwn er mwyn talu eu biliau a lliniaru problemau llif arian.
Mae 114 o geisiadau wedi'u cymeradwyo a £4.85 miliwn wedi'i dalu drwy gronfa cadernid y trydydd sector.
Ffynhonnell: Gwirfoddoli Cymru
Data ar: 4 Rhagfyr 2020
5. Gwybodaeth am ansawdd a methodoleg
Cadw pellter cymdeithasol
Mae’r wybodaeth yn cael ei chreu gyda setiau data cyfanredol, dienw oddi wrth ddefnyddwyr sydd wedi galluogi’r gosodiad ar eu dyfeisiau symudol sy’n dangos eu lleoliad. Y gwerth canolrifol yw’r gwaelodlin, ar gyfer y diwrnod cyfatebol o’r wythnos, yn ystod y cyfnod 5 wythnos o 3 Ionawr - 6 Chwefror 2020. Mae’r data yn dangos newidiadau sydd wedi’u dadansoddi yn ôl chwe maes: siopa a hamdden, parciau, archfarchnadoedd a fferyllfeydd, gweithleoedd, preswyl a thrafnidiaeth gyhoeddus. Mae’r data ar gael ar gyfer ardaloedd awdurdodau lleol yng Nghymru. Defnyddir cyfartaledd o’r rhain i ddod o hyd i ffigur ar gyfer Cymru. Nid yw’r data yn cael eu pwysoli gan ystyried maint pob awdurdod lleol - nid yw’r wybodaeth honno ar gael gan Google, yr un beth sy’n cael ei ddangos yw’r newid cymharol.
Adroddiadau symudedd cymunedol COVID-19
Y Gronfa Cymorth Dewisol
Mae data DAF yn cael ei ddarparu i Lywodraeth Cymru gan ein darparwr gwasanaeth Northgate Public Services (NPS). Data gweithredol yw'r data a dynnir o'u system TGCh yn ddyddiol. Nid yw'r data'n mynd drwy unrhyw brosesau dilysu ffurfiol ac felly nid yw'n cael ei gyhoeddi fel Ystadegyn Cenedlaethol.
Cronfa Cadernid y Trydydd Sector
Mae data Cronfa Ymateb Trydydd Sector yn monitro data a gymerwyd o’r gronfa ddata Cyngor Gweithredu Gwirfoddol Cymru.
6. Manylion cyswllt
Llinell Ymholiadau Cyffredinol
Ffôn: 0300 025 5050
E-bost: kas.covid19@llyw.cymru
Cyfryngau: 0300 025 8099
SFR: 231/2020