Arolwg Cenedlaethol Cymru prif ganlyniadau: Ebrill 2019 i Mawrth 2020

Mae canlyniadau ar lawer mwy o destunau, gan gynnwys dadansoddiad manwl, ar gael yn ein dangosydd canlyniadau rhyngweithiol. Bydd adroddiadau cryno pellach ar destunau penodol yn cael eu cyhoeddi drwy gydol y flwyddyn.

Prif bwyntiau

• Mae 41% o bobl mewn amddifadedd materol yn teimlo’n unig, o’i gymharu â 12% o bobl nad ydynt mewn amddifadedd materol.
• Mae pobl ifanc yn fwy tebygol o roi gwybod eu bod yn unig na phobl hŷn.
• Mae gan 25% o bobl bedwar neu bump o’r ffyrdd iach o fyw (ddim yn ysmygu, yfed o fewn y canllawiau, bwyta 5 dogn o ffrwythau neu lysiau bob dydd, ac yn gwneud ymarfer corff fel y nodwyd yn y canllawiau). Nid yw hyn wedi newid yn y pedair blynedd diwethaf.
• Mae 75% o weithwyr yn cael cyfnod absenoldeb salwch â thâl, ond dim ond 16% o bobl hunangyflogedig ac yn gweithio’n bennaf i un cwmni.
• Mae gan 65% o unigolion dros 30 oed bensiwn yn y gweithle.
• Nid yw 21% o bobl dros 30 oed wedi gwneud unrhyw gynlluniau ariannol ar gyfer eu hymddeoliad.
• Mae 28% o bobl o gefndir du, Asiaidd a lleiafrifoedd ethnig wedi cael profiad personol o wahaniaethu yn y gwaith y llynedd, o’i gymharu â 9% o bobl o gefndir gwyn.
• Mae 26% o bobl yn gwirfoddoli drwy roi eu hamser am ddim i sefydliad neu glwb.
• Ymysg y bobl sy’n gallu siarad Cymraeg, mae 22% yn dweud y byddai’n well ganddynt siarad yn Gymraeg gyda staff gwasanaethau a chyfleusterau lleol.
• Mae 47% o bobl yn dweud bod eu hawdurdod lleol yn darparu gwasanaethau o safon uchel.