Amrywiaeth yn y cwricwlwm: amserlen
Amserlen o'r camau gwaith rhwng Mehefin 2020 a Mawrth 2021 ar amrywiaeth yn y cwricwlwm.
Efallai na fydd y ffeil hon yn gyfan gwbl hygyrch.
Ar y dudalen hon
2020
22 Mehefin
Cyhoeddi Adroddiad yr Is-grŵp Economaidd-Gymdeithasol Cynghorol ar Covid-19 ymhlith Pobl Ddu, Asiaidd ac Ethnig Leiafrifol (is-grŵp i Grŵp Cynghorol Iechyd BAME Cymru ar COVID-19).
21 Gorffennaf
Penodi'r Athro Charlotte Williams OBE i arwain Gweithgor Cymunedau, Cyfraniadau a Chynefinoedd Pobl Ddu, Asiaidd ac Ethnig Leiafrifol yn y Cwricwlwm Newydd.
19 Awst
Cynnal cyfarfod cyntaf Gweithgor Cymunedau, Cyfraniadau a Chynefinoedd Pobl Ddu, Asiaidd ac Ethnig Leiafrifol yn y Cwricwlwm Newydd.
1 Hydref
Cyhoeddi Cylch Gorchwyl y Gweithgor. Gweler y datganiad ysgrifenedig. Cyhoeddodd y Gweithgor hefyd ddatganiad o'i weledigaeth a thaflen i athrawon i'w helpu i ystyried sut mae eu haddysgu yn adlewyrchu natur amlethnig Cymru.
19 Tachwedd
Y Gweithgor yn cyhoeddi ei adroddiad interim, gan ganolbwyntio ar adnoddau dysgu.
3 Rhagfyr
Y Gweithgor yn cyhoeddi ffeithlun ar Amrywiaeth Ethnig mewn Ysgolion ar sail data Cyngor y Gweithlu Addysg a'r Cyfrifiad Ysgolion Blynyddol ar Lefel Disgyblion (CYBLD).
2021
9 Mawrth
Yr Athro Williams yn cytuno i gefnogi'r gwaith o gyflwyno'r cwricwlwm newydd i Gymru mewn rôl gynghori a gweithredu o fis Mawrth 2021.
19 Mawrth
Y Gweithgor yn cyhoeddi ei adroddiad terfynol, gan ganolbwyntio ar gyfleoedd dysgu proffesiynol ac adnoddau (yn ogystal â nodi unwaith eto argymhellion yr adroddiad interim ar adnoddau dysgu).
Cyhoeddodd y Gweinidog Addysg blaenorol gyllideb o £500,000 ar gyfer 2021 i 2022 i gefnogi'r gwaith hwn.
24 Mawrth
Cyhoeddi'r Cynllun Gweithredu Cydraddoldeb Hiliol ar gyfer ymgynghoriad, a ddaw i ben ar 17 Mehefin, gan gynnwys argymhellion adroddiad interim y Gweithgor.