Neidio i'r prif gynnwys

Bydd y prosiect hwn yn gwella’r problemau sy’n bodoli â’r bont Afon Dyfrdwy.

Statws:
Yn cael ei ystyried
Rhanbarth / Sir:
Sir y Fflint
Cyhoeddwyd gyntaf:
20 Mehefin 2018
Diweddarwyd ddiwethaf:

Trosolwg

Pam rydym yn gwneud y gwaith

Mae Pont Afon Dyfrdwy yr A494 mewn cyflwr strwythurol wael. Mae angen cynnal archwiliadau a gwaith monitro rheolaidd manylach cyn codi’r bont newydd yn ei lle.

Rydym wedi edrych ar lawer o opsiynau ac am gyflwyno cynllun a fydd yn:

  • sicrhau bod y ffordd yn ddibynadwy ac yn addas ar gyfer ceir, lorïau a thrafnidiaeth gyhoeddus
  • ei gwneud hi'n haws i bobl gerdded, beicio, olwyno neu ddefnyddio trafnidiaeth gyhoeddus 
  • lleihau allyriadau carbon yn ystod y prosiect
  • gwarchod a gwella'r bywyd gwyllt a natur lleol
  • rhoi blaenoriaeth i ddiogelwch a lleihau effaith digwyddiadau a chau ffyrdd 
  • tarfu cyn lleied â phosib ar bethau yn ystod y gwaith adeiladu ac yn cadw traffig i symud

Sut mae'r gwaith yn dod yn ei flaen

Rydym wedi ystyried yr holl ffactorau technegol, cymdeithasol, economaidd ac amgylcheddol. Rydym wedi gwrando ar yr adborth i ymgynghoriad Rhagfyr 2024 a Mawrth 2025. 

Rydym wedi dewis opsiwn a ffefrir i ddisodli’r Bont bresennol dros Afon Dyfrdwy ar yr A494. Bydd yn golygu adeiladu pont newydd sbon i'r de-ddwyrain o'r bont bresennol. Bydd arni 2 lôn o draffig a lleiniau caled i'r ddau gyfeiriad.

Bydd gwelliannau'n cael eu gwneud ar y briffordd sy'n mynd at y bont a'r ardaloedd cyfagos.

Bydd hyn yn cynnwys:

  • llwybrau cerdded a beicio newydd/gwell
  • nodweddion tirlunio a bioamrywiaeth gwell
  • gwella aliniad y ffordd
  • gwella'r draeniad
  • gwella'r goleuadau
  • gwella'r gyffordd â Riverside Way

Bydd y rhan fwyaf o'r gwaith adeiladu'n digwydd i ffwrdd o'r ffordd bresennol. Felly gall yr A494 aros ar agor am y rhan fwyaf o'r gwaith—gan darfu cyn lleied â phosib ar bethau.

Cynhaliwyd ymgynghoriad arall rhwng 30 Medi a 11 Tachwedd 2025, gan roi cyfle i bobl neu sefydliadau gefnogi neu wrthwynebu dogfennau drafft Gorchymyn y cynllun neu gynnig syniadau amgen. Fe wnaethom ystyried pob ymateb a gweithio gyda'r rheini oedd yn wrthwynebus. Mae'r holl wrthwynebiadau bellach wedi'u tynnu'n ôl.

Ym mis Mawrth 2026, penderfynodd y Gweinidog Trafnidiaeth ar y pryd nad oedd angen Ymchwiliad Lleol Cyhoeddus ac y gellid gwneud y Gorchmynion gyda newidiadau. Roedd y newidiadau yn ymateb i faterion a godwyd yn ystod yr ymgynghoriad. Gan gynnwys y canlynol: 

  • newidiadau i'r llwybrau cerdded a beicio
  • trefniadau croesi i gerddwyr
  • trefniadau mynediad
  • gofynion o ran tir

Ym mis Hydref 2026, penderfynodd y Dirprwy Weinidog Trafnidiaeth fynd â'r prosiect i'r cam nesaf. Mae hyn yn golygu mynd â'r Gorchmynion Drafft i'r cam Gwneud Gorchmynion.

Camau nesaf

Daw'r Gorchymyn Llinell a Phont ynghyd â'r Gorchymyn Ffyrdd Ymyl a'r Gorchymyn Prynu Gorfodol i rym ar 19 Tachwedd 2026. 

Byddwn yn penodi Prif Gontractwr cyn gwanwyn 2027 i adeiladu'r cynllun. 

Yna byddwn yn adeiladu'r bont newydd ac yn tynnu dec yr hen bont. Rydym yn disgwyl i hyn gymryd 3 i 4 blynedd. 

Cyflwynwch eich barn (Herio'r Gorchmynion a Wnaed)

Mae Cyfnod Herio 6 wythnos i'r Uchel Lys o pan wneir y Gorchmynion. Os ydych chi eisiau, gallwch wneud cais i'r Uchel Lys i herio dilysrwydd y Gorchymyn/ion os:

  • nad yw o fewn pwerau’r Ddeddf;
  • na fyddwn wedi cydymffurfio â'r rheoliadau gofynnol 

Daw'r cyfnod herio i ben ar 31 Rhagfyr 2026. 

Gweld y Gorchmynion a Wnaed

Gallwch weld y Gorchmynion, llythyr y penderfyniad a'r dogfennau ategol yn yr adran Gyhoeddiadau neu Orchmynion ar y dudalen hon.

Gallwch hefyd weld y dogfennau go iawn rhwng 19 Tachwedd a 31 Rhagfyr 2026 yn y mannau isod.

Efallai y bydd y lleoliadau’n newid eu horiau agor dros gyfnod y Nadolig. Holwch y lleoliad cyn teithio.

Glannau Dyfrdwy

Llyfrgell Glannau Dyfrdwy, Canolfan Hamdden, Chester Road West, Queensferry, Glannau Dyfrdwy, CH5 1SA

Dydd Llun i ddydd Gwener: 9am tan 5pm (oriau agor disgwyliedig)

Dydd Sadwrn 9am tan 1.30pm (oriau agor disgwyliedig)

Cyffordd Llandudno

Swyddfa Llywodraeth Cymru, Cyffordd Llandudno, Sarn Mynach, Cyffordd Llandudno, LL31 9RZ

Dydd Llun i ddydd Gwener: 10am tan 5pm (oriau agor disgwyliedig)

Drwy e-bost neu'r post

Mae copïau print bras o'r Gorchymyn a'r plan ar gael yn rhad ac am ddim, drwy:

E-bostio: TransportOrdersBranch@gov.wales neu 

Ysgrifennu at:

Y Gangen Orchmynion, Trafnidiaeth, Llywodraeth Cymru, Parc Cathays, Caerdydd CF10 3NQ;

Nodwch gyfeirnodau'r dogfennau yr hoffech eu gweld:

  • Gorchymyn llinell/pont: qA2280938
  • Gorchymyn Ffyrdd Ymyl: qA228210
  • Gorchmynion Prynu Gorfodol: qA2282121

Ymgynghoriad cyhoeddus

Rydym wedi cynnal yr ymgynghoriadau cyhoeddus canlynol ar y cynllun:

  • Tachwedd 2018 i Chwefror 2019: ymgynghoriad ar gynigion gwreiddiol y cynllun
  • Rhagfyr 2024 i Fawrth 2025: ymgynghoriad ar y pum opsiwn rhestr fer ar gyfer y bont newydd
  • Medi i Dachwedd 2025: ymgynghoriad statudol ar Orchymyn drafft y Llinell a'r Bont, Gorchymyn Ffyrdd Ymyl, Datganiad Amgylcheddol a Datganiad i Hysbysu Asesiad Priodol (SIAA)
  • Hydref i Dachwedd 2025: ymgynghoriad statudol ar y Gorchymyn Prynu Gorfodol drafft.

Digwyddiadau arddangos cyhoeddus

Fe wnaethon ni gynnal 2 arddangosfa gyhoeddus ym mis Hydref 2025. Roedden nhw'n gyfle i bobl drafod y cynllun gyda'r tîm. Cawson nhw eu cynnal yn Nhŷ Calon, Campws Queensferry, ac Eglwys Sant Andreas, Sealand Avenue.

Amserlen

Cyhoeddi Gorchmynion drafft a’r Datganiad Amgylcheddol: Hydref 2025
Y cyfnod ymgynghori ar gyfer sylwadau: hydref 2025
Penderfyniad y Gweinidog i wneud Gorchmynion drafft heb gynnal Ymchwiliad Lleol Cyhoeddus: hydref 2026
Dyddiad Gwneud Gorchmynion: 19 Tachwedd 2026
Diwedd y cyfnod chwe wythnos i herio i'r Uchel Lys: 31 Rhagfyr 2026
Penodi Contractwr Dylunio ac Adeiladu: gaeaf 2026
Gwaith clirio a dargyfeirio safle Ymgymerwyr Statudol: 2027 i 2028
Gwaith galluogi: haf 2027
Dechrau'r prif waith adeiladu: hydref/gaeaf 2027
Agor y bont newydd: haf 2030
Cwblhau gwaith dymchwel dec yr hen bont: erbyn dechrau 2031
Cwblhau gwaith addasu a thirlunio: gwanwyn 2031
Ôl-ofal Amgylcheddol pum mlynedd: parhaus hyd at 2036

Ymgyngoriadau

Ymgyngoriadau yw un o’r ffyrdd i ni gael adborth ar brosiect

Cyhoeddiadau

Adroddiadau, datganiadau amgylcheddol a chynlluniau

Gorchmynion

Y ddeddfwriaeth sy’n ofynnol i’r prosiect fynd yn ei flaen gan gynnwys drafftiau i’r cyhoedd wneud sylwadau arnynt