Hoffwn wneud y gyffordd hon yn fwy diogel i bawb sy’n defnyddio’r ffordd
Trosolwg
Mae'r prosiect hwn yn cael ei adolygu
Mae'r prosiect hwn yn cael ei ystyried ar hyn o bryd fel rhan o'r adolygiad ffyrdd.
Pam rydym yn ei wneud
Mae Nantycaws hanner ffordd rhwng Cross Hands a Chaerfyrddin. Bydd y newidiadau hyn yn gwella’r gyffordd ac yn ein helpu i wella cyffyrdd eraill ar hyd yr A48.
Y gyffordd bresennol:
- mae cyfradd uchel o wrthdrawiadau yno
- mae llawer o fannau lle mae cerbydau’n cael damweiniau traffig ar gyflymder uchel
- nid oes mynediad da at gyfleusterau lleol megis gorsaf wasanaeth/caffi na chanolfan ailgylchu
- nid yw’n cynnig cyfleoedd i feicio na cherdded yn ddiogel
- gellir gwella cymorth ar gyfer trafnidiaeth gyhoeddus gan fod problemau diogelwch i fysiau ar hyn o bryd
Hoffwn:
- wneud y gyffordd yn fwy diogel i bawb sy’n defnyddio’r ffordd gan ddarparu cyffordd fwy diogel i yrwyr a bysiau
- gwneud y sefyllfa’n haws i gerddwyr a beicwyr groesi’r A48.
Cynnydd presennol
Mae’r prosiect ar Gam 2 o Arweiniad ar Arfarnu Trafnidiaeth Cymru (WelTAG) Llywodraeth Cymru ar ôl bod yn rhan o astudiaeth goridor Cam Un sy’n cynnwys holl goridor yr A48 rhwng Cross Hands a Chaerfyrddin.
Bydd y cam hwn yn cynnwys:
- sefydlu opsiwn a ffefrir
- arolygon amgylcheddol
- asesiad o effaith y gwelliannau
- ymgynghori â rhanddeiliaid lleol.
Amserlen
Cyhoeddi adroddiad WelTAG 1: yn gynnar yn 2022
Gorffen adroddiad Interim WelTAG 2: yn gynnar yn 2022
Disgwylir datblygu dyluniad manwl: 2022
Y camau nesaf
Unwaith rydym wedi penderfynu ar gysyniad y ffefrir byddwn yn datblygu’r astudiaeth drwy gam 3 WelTAG.
Beth rydym yn wneud
Hoffwn gyfuno cyffyrdd llai yn ardal Nantycaws yn un gyffordd bwrpasol. Bydd yr un gyffordd hon yn fwy diogel a hygyrch i bawb sy’n defnyddio’r ffordd.
Sut rydym yn ymgynghori
Rydym wedi bod yn ymgynghori â busnesau lleol a thirfeddianwyr yn yr ardal. Rydym hefyd wedi bod yn gweithio gyda:
- Cyngor Sir Caerfyrddin
- cynghorau cymuned
- y gwasanaethau brys
- grwpiau buddiant eraill (fel Sustrans)
Byddwn yn cynnal ymgynghoriad ehangach unwaith y byddwn wedi datblygu cysyniad a ffefrir i helpu i lywio'r gwaith datblygu manwl.