Ymddiriedolaethau a byrddau iechyd GIG Cymru

Mae GIG Cymru yn darparu gwasanaethau drwy 7 bwrdd iechyd lleol a 3 ymddiriedolaeth GIG.

Mae byrddau iechyd lleol yn gyfrifol am gynllunio a darparu gwasanaethau’r GIG yn eu hardaloedd. Mae’r gwasanaethau hyn yn cynnwys gwasanaethau:

• deintyddol
• optegol
• fferyllol
• iechyd meddwl

Hefyd mae’r byrddau hyn yn gyfrifol am:

• wella canlyniadau corfforol ac iechyd meddwl
• hyrwyddo llesiant
• lleihau anghydraddoldebau iechyd ar draws eu poblogaethau
• comisiynu gwasanaethau oddi wrth sefydliadau eraill er mwyn bodloni anghenion eu preswylwyr

Mae ymddiriedolaethau’r GIG yn gyfrifol am wasanaethau iechyd y cyhoedd a gwasanaethau ambiwlans, ynghyd â gwasanaethau canser a gwaed.

Hefyd mae nifer o sefydliadau cysylltiedig sy’n cefnogi GIG Cymru.

Mae Bwrdd Iechyd Aneurin Bevan yn gyfrifol am wasanaethau’r GIG ym:  

• Mlaenau Gwent
• Caerffili
• Sir Fynwy
• Casnewydd
• Torfaen

Mae Bwrdd Iechyd Prifysgol Betsi Cadwaladr yn gyfrifol am wasanaethau’r GIG yn:

• Ynys Môn
• Gwynedd
• Conwy
• Sir Ddinbych
• Sir y Fflint
• Wrecsam

Mae Bwrdd Iechyd Prifysgol Caerdydd a’r Fro yn gyfrifol am wasanaethau’r GIG yng Nghaerdydd a Bro Morgannwg.

Mae Bwrdd Iechyd Prifysgol Cwm Taf Morgannwg yn gyfrifol am wasanaethau’r GIG ym:

• Mhen-y-bont ar Ogwr
• Merthyr Tudful
• Rhondda Cynon Taf

Mae Bwrdd Iechyd Prifysgol Hywel Dda yn gyfrifol am wasanaethau’r GIG yn:

• Sir Gaerfyrddin
• Ceredigion
• Sir Benfro

Mae Bwrdd Iechyd Addysgu Powys yn gyfrifol am wasanaethau’r GIG ym Mhowys.

Mae Bwrdd Iechyd Prifysgol Bae Abertawe yn gyfrifol am wasanaethau’r GIG yn Abertawe a Chastell-nedd Port Talbot, yn ogystal â rhai gwasanaethau rhanbarthol arbenigol.

Mae Ymddiriedolaeth GIG Prifysgol Felindre yn darparu gwasanaethau canser arbenigol ar draws y De-ddwyrain. Mae hefyd yn darparu gwasanaethau gwaed arbenigol ar draws Cymru drwy Ganolfan Ganser Felindre a Gwasanaeth Gwaed Cymru.

Ymddiriedolaeth GIG Gwasanaethau Ambiwlans Cymru yw’r gwasanaeth ambiwlans cenedlaethol.

Iechyd Cyhoeddus Cymru yw’r asiantaeth iechyd cyhoeddus genedlaethol. Mae Iechyd Cyhoeddus Cymru yn gyfrifol am ddiogelu a gwella iechyd a llesiant a lleihau anghydraddoldebau iechyd.  

Mae Addysg a Gwella Iechyd Cymru (AaGIC) yn chwarae rôl allweddol yn y gwaith o gynnal y gweithlu gofal iechyd yng Nghymru, drwy ddarparu:

• addysg
• hyfforddiant
• cyfleoedd datblygu

Mae Iechyd a Gofal Digidol Cymru yn awdurdod iechyd arbennig sy’n adeiladu ac yn cynllunio gwasanaethau digidol ym maes iechyd a gofal yng Nghymru.

Mae Partneriaeth Cydwasanaethau GIG Cymru yn cyflawni amrywiaeth o swyddogaethau ac yn darparu gwahanol wasanaethau sy’n canolbwyntio ar y cwsmer ar gyfer GIG Cymru.