Cylch gorchwyl

Cyhoeddodd Comisiwn Seilwaith Cenedlaethol Cymru adroddiad ar seilwaith digidol yng Nghymru ym mis Rhagfyr 2020 ar seilwaith digidol yng Nghymru ym mis Rhagfyr 2020.  Gwnaeth yr adroddiad nifer o argymhellion i gefnogi'r gwaith o wella cwmpas a mynediad i seilwaith digidol.  Un o'u hargymhellion allweddol oedd sefydlu tasglu chwalu rhwystrau dan arweiniad uwch swyddog o Lywodraeth Cymru. Mae Llywodraeth Cymru wedi cytuno y dylid sefydlu tasglu.

O ystyried yr ystod o faterion sy'n ymwneud â rhwystrau i ddefnyddio seilwaith digidol, mae'r tasglu'n cynnwys trawstoriad o gynrychiolwyr o ddiwydiant, y llywodraeth a'r sector cyhoeddus ehangach.

Bydd y cynllun gwaith ar gyfer y tasglu yn canolbwyntio ar nifer o feysydd lle nodwyd rhwystrau gan gynnwys: gwaith stryd, mynediad at asedau cyhoeddus, cynllunio,  rheoleiddio a chyfathrebu.

Nodir trefniadau llywodraethu'r tasglu yn fanylach mewn mannau eraill ond yn fyr byddant yn cynnwys bwrdd sy'n pennu cyfeiriad cyffredinol y tasglu, grŵp trosolwg a fydd yn goruchwylio gweithgarwch y tasglu o ddydd i ddydd a phum gweithgor, un yr un ar gyfer gwaith stryd, mynediad at asedau cyhoeddus, cynllunio, rheoleiddio a chyfathrebu.

Nod y tasglu yw creu'r amgylchedd cywir i ddarparu seilwaith digidol yn gyflym er mwyn darparu cysylltedd ffonau symudol a band eang sefydlog i gartrefi a busnesau yng Nghymru drwy gydweithio ar draws y sector cyhoeddus a'r diwydiant telathrebu a defnyddio'r ysgogiadau sydd ar gael i Lywodraeth Cymru ac eraill i:

• archwilio'r rhwystrau i ddefnyddio seilwaith digidol yng Nghymru i ddeall eu hachosion a'u heffeithiau
• nodi ffyrdd o fynd i'r afael â'r rhwystrau hynny
• lle bo'n briodol, datblygu a darparu atebion ar gyfer chwalu rhwystrau
• dod â gwybodaeth a phrofiad i helpu i ddatblygu gwasanaeth da
• lle bo modd helpu i gefnogi a chyflwyno arloesedd

Bydd yr aelodaeth yn cynnwys cynrychiolwyr o:

• Llywodraeth Cymru 
• Awdurdodau Lleol 
• Awdurdodau Parciau Cenedlaethol 
• Bargeinion Dinesig a Thwf 
• Asiantaethau Cefnffyrdd Cymru
• CLlLC
• Openreach
• Mobile UK
• Virgin Media
• DMSL
• Cornerstone
• MBNL
• Ogi
• Voneus
• Ofcom

Llywodraeth Cymru fydd yn cyflawni swyddogaeth ysgrifenyddol y tasglu.