Caffael cyhoeddus doethach yng Nghymru

Mae dros £8 biliwn yn cael ei wario ar gaffael cyhoeddus yng Nghymru bob blwyddyn. Dyna bron i draean o holl wariant y sector cyhoeddus. Caffael yn y sector cyhoeddus yw un o’r arfau pwysicaf sydd gennym i helpu i greu Cymru fwy cyfartal, mwy cynaliadwy a mwy llewyrchus. Trwy gaffael effeithiol, gall sefydliadau'r sector cyhoeddus helpu i gefnogi economi Cymru, hyrwyddo gwaith diogel a theg, helpu i ddiogelu'r amgylchedd, a helpu i ddod â manteision diwylliannol a chymdeithasol i gymunedau. 

Mae deddfwriaeth newydd ar y gweill i newid sut mae caffael yn cael ei wneud yn y sector cyhoeddus yng Nghymru. 

Nod y ddeddfwriaeth yw gwneud caffael yn ddoethach, drwy wneud y canlynol: 

• Canolbwyntio mwy ar y nodau llesiant yn Neddf Llesiant Cenedlaethau’r Dyfodol 
• Ei wneud yn well gwerth am arian ac yn fwy tryloyw 
• Ei wneud yn well i gyflenwyr gyda llai o fiwrocratiaeth a rheoli contractau’n well 

Bydd y ddeddfwriaeth newydd yn ei gwneud yn ofynnol i bobl sy'n cynnal ymarferion caffael a chyflenwyr y sector cyhoeddus wneud rhai newidiadau pwysig i'w ffyrdd o weithio a'r systemau maen nhw’n eu defnyddio. 

Mae'n bwysig i unrhyw un sy'n ymwneud â chaffael yn y sector cyhoeddus yng Nghymru ddeall y newidiadau a'r hyn y gallai fod angen iddyn nhw ei wneud i baratoi. 

Deddf Caffael 2023

Bydd y Ddeddf yn diwygio system gaffael y DU fel bod pob punt yn mynd ymhellach i wasanaethau cyhoeddus a chymunedau. Bydd yn gwneud caffael yn gyflymach, yn symlach, yn fwy hyblyg ac yn fwy tryloyw. Mae disgwyl iddo ddod i rym ym mis Chwefror 2025. 

Rhagor o wybodaeth am y Ddeddf Caffael.

Deddf Partneriaeth Gymdeithasol a Chaffael Cyhoeddus (Cymru) 2023

Mae'r Ddeddf yn rhoi sail statudol i gaffael cymdeithasol gyfrifol. Bydd yn sicrhau bod caffael cyhoeddus yn cyfrannu at lesiant Cymru mewn ffordd gyson ac atebol. Mae’r dyddiad y daw’r ddeddfwriaeth hon i rym i’w gadarnhau. 

Rhagor o wybodaeth am Ddeddf Partneriaeth Gymdeithasol a Chaffael Cyhoeddus (Cymru). 

Rheoliadau Gwasanaethau Iechyd (y Gyfundrefn Dethol Darparwyr) (Cymru)

Bydd Rheoliadau drafft Gwasanaethau Iechyd (y Gyfundrefn Dethol Darparwyr) (Cymru) yn cyflwyno Cyfundrefn Dethol Darparwyr newydd yng Nghymru. Bydd y newidiadau yn lleihau biwrocratiaeth drwy gyflwyno system gaffael hyblyg a chymesur ar gyfer gwasanaethau iechyd a ddarperir ar ran y GIG yng Nghymru. Yn amodol ar gytundeb y Senedd, disgwylir i’r Gyfundrefn ddod i rym ym mis Chwefror 2025.

Rhagor o wybodaeth am Gyfundrefn Dethol Darparwyr Cymru.

Darganfod mwy am yr Wybodaeth am Gyfundrefn Dethol Darparwyr Cymru.

Ydych chi'n weithiwr proffesiynol caffael neu fasnachol, neu'n uwch arweinydd mewn sefydliad sector cyhoeddus? Ydych chi’n ymwneud â rheoli contractau, neu ydych chi’n gyflenwr i’r sector cyhoeddus yng Nghymru? Mae canllawiau a hyfforddiant ar ofynion y ddeddfwriaeth newydd wedi'u datblygu ar eich cyfer.

Gweithwyr proffesiynol caffael a rheolwyr contractau

Mae adnoddau hyfforddi a dysgu ar gael i weithwyr proffesiynol caffael mewn sefydliadau sector cyhoeddus a Rheolwyr Contractau mewn sefydliadau caffael.

• Mae holl arlwy Dysgu a Datblygu Llywodraeth y DU ar y Ddeddf Caffael ar gael yma 
• Mae modiwlau hyfforddi atodol ar y newidiadau i Ddeddfwriaeth Caffael yng Nghymru (ar gyfer awdurdodau contractio yng Nghymru) ar gael o dan opsiynau 'Llywodraeth Cymru' yma 
• Mae dogfennau cyfarwyddyd Deddf Caffael 2023 ar gael yma 

Uwch arweinwyr mewn sefydliadau sy’n caffael

Adnoddau dysgu ar gyfer uwch arweinwyr mewn sefydliadau sector cyhoeddus yng Nghymru:

• KD1: Gwybodaeth i Awdurdodau Contractio rhan 1 (Saesneg yn unig)
• KD1: Gwybodaeth i Awdurdodau Contractio rhan 2 (Saesneg yn unig)
• KD1: Gwybodaeth i Awdurdodau Contractio rhan 3 (Saesneg yn unig)
• KD1: Gwybodaeth i Awdurdodau Contractio rhan 4 (Saesneg yn unig)
• KD1: Gwybodaeth i Awdurdodau Contractio rhan 5 (Saesneg yn unig)
• KD1: Gwybodaeth i Awdurdodau Contractio rhan 6 (Saesneg yn unig)

Cyflenwyr a darpar gyflenwyr y sector cyhoeddus

Adnoddau dysgu i gyflenwyr y sector cyhoeddus yng Nghymru:

• Deddf Caffael 2023 a Rheoliadau Cysylltiedig: Canllaw byr i gyflenwyr
• Gwybodaeth i Gyflenwyr gan Lywodraeth y DU rhan 1 (fideo byr) (Saesneg yn unig)
• Gwybodaeth i Gyflenwyr gan Lywodraeth y DU rhan 2 (fideo byr) (Saesneg yn unig)
• Gwybodaeth i Gyflenwyr gan Lywodraeth y DU rhan 3  (Saeneg yn unig)
• Gwybodaeth i Fusnesau Bach a Chanolig / Mentrau Cymdeithasol Cymunedol Gwirfoddol gan Lywodraeth y DU rhan 1 (fideo byr) (Saesneg yn unig)
• Gwybodaeth i Fusnesau Bach a Chanolig / Mentrau Cymdeithasol Cymunedol Gwirfoddol gan Lywodraeth y DU rhan 2 (fideo byr) (Saeneg yn unig)
• Gwybodaeth i Fusnesau Bach a Chanolig / Mentrau Cymdeithasol Cymunedol Gwirfoddol gan Lywodraeth y DU rhan 3 (fideo byr) (Saesneg yn unig)

Rhagor o wybodaeth am Ddeddf Llesiant Cenedlaethau’r Dyfodol.