Llywodraeth Cymru
Datganiadau'r Cabinet
Gall unrhyw aelod o Lywodraeth Cymru gyflwyno datganiad cabinet.
Mae 2 fath o ddatganiad Cabinet:
Llafar
Gall aelod o Lywodraeth Cymru gyflwyno datganiad llafar i'r Cynulliad yn ystod y cyfarfod llawn ar ddydd Mawrth neu ddydd Mercher. Yn aml caiff sesiwn holi ac ateb ei gynnal ar ôl datganiad o'r fath. Mae Cod y Gweinidogion yn pennu y dylai'r cyhoeddiadau pwysicaf ynghylch polisïau Llywodraeth Cymru gael eu gwneud yn y Senedd.
Ysgrifenedig
Gall aelod o Lywodraeth Cymru gyflwyno datganiad ysgrifenedig i Aelodau'r Cynulliad unrhyw adeg. Nid oes cyfle i gynnal sesiwn holi ac ateb dilynol.
Yma, mae "aelod o Lywodraeth Cymru" yn golygu'r Prif Weinidog, un o Ysgrifenyddion y Cabinet, y Cwnsler Cyffredinol neu un o Weinidogion Cymru.