Gwerthusiad o Raglen Beilot Mewngymorth y Gwasanaethau Iechyd Meddwl Plant a’r Glasoed (CAMHS): adroddiad interim

Adroddiad interim

Canfu'r adroddiad gwerthuso cychwynnol hwn dystiolaeth gynnar fod y rhaglen beilot yn effeithiol a bod ganddi ddamcaniaeth gadarn o newid. 

Mae recriwtio gweithwyr medrus iawn wedi bod yn hanfodol i lwyddiant hyd yn hyn. Mae cynnal ansawdd y gwaith yn debygol o fod yn her; wrth i fwy o ysgolion gymryd rhan, gyda'r un nifer o weithwyr medrus, mae'n debygol y bydd yr effaith yn wannach

Mae'n argymell:

• gohirio penderfyniadau am ddyfodol y peilot hyd nes y cesglir tystiolaeth bellach
• teilwra'r cynnig dysgu proffesiynol
• newidiadau i werthuso dysgu proffesiynol
• ystyried ymestyn y peilot i weithio gyda disgyblion iau

Papur atodol

Cafodd y gwaith maes ar gyfer yr adroddiad hwn ei wneud yn union cyn ac yn ystod y cyfnod pan oedd cyfyngiadau oherwydd COVID-19 yng ngwanwyn 2020.

Y prif ganfyddiadau oedd:

• yn gyffredinol, mae’r peilot yn gweithio’n dda
• mae’r ysgolion yn y rhaglen beilot mewn sefyllfa fwy parod i ddychwelyd i’r ysgol ar ôl y cyfyngiadau
• roedd y staff o’r farn bod yr hyfforddiant a’r cymorth ar gyfer iechyd meddwl a llesiant y disgyblion yn well na’r hyn oedd ar gael i staff
• mae angen dadansoddi sut mae’r rhaglen yn cydweddu â mentrau eraill mewn iechyd ac addysg
• bydd angen newid dull cyflawni’r rhaglen yn sgil COVID-19
• mae pryderon dwys am effaith y cyfyngiadau ar iechyd meddwl a llesiant disgyblion a staff ysgolion