Gwaith Ieuenctid: Ebrill 2022 i Fawrth 2023

Mae’r datganiad hwn yn cynnwys cymariaethau â blynyddoedd blaenorol a oedd o fewn cyfnod y pandemig coronafeirws (COVID-19). Cafwyd effaith sylweddol ar ffigurau ar gyfer 2020-21 a 2021-22, yn enwedig y rhai sy’n ymwneud ag aelodau cofrestredig, wrth i’r pandemig a’r cyfyngiadau a oedd ar waith effeithio ar allgymorth. Dylid cymryd hyn i ystyriaeth wrth gymharu â blynyddoedd blaenorol.

Prif bwyntiau

• Roedd 83,218 o aelodau cofrestredig o ddarpariaeth statudol yn y sector gwaith ieuenctid yn 2022-23. Cynnydd o 21% o gymharu â 2021-22 gan ddychwelyd i’r lefelau a welwyd cyn y pandemig.
• Ym mis Mawrth 2023, roedd tua 713 o staff rheoli a darparu gwaith ieuenctid cyfwerth ag amser llawn yn gweithio ar draws awdurdodau lleol yng Nghymru, Gostyngiad o 11% o'i gymharu â'r flwyddyn flaenorol.
• Cyfanswm yr incwm ar gyfer darpariaeth gwaith ieuenctid yn 2022-23 oedd £45.5 miliwn, a chyfanswm y gwariant oedd £42.5 miliwn. Cynyddodd y ddau o gymharu â 2020-21.