Effaith Brexit ar y gweithlu gofal cymdeithasol a gofal plant

Amcangyfrifir bod 6.4% o staff lleoliadau gofal cymdeithasol cofrestredig a 4.5% o staff gwasanaethau gofal plant cofrestredig yng Nghymru yn wladolion o'r UE nad ydynt o'r DU. Mae hyn yn cyfateb i tua 2,060 i 3,730 o weithwyr gofal cymdeithasol, a rhwng tua 410 a 1,100 o weithwyr gofal plant.

Mae recriwtio yn her i ofal cymdeithasol a gofal plant, gyda 58% o'r gwasanaethau gofal cymdeithasol cofrestredig a ymatebodd a 47% o'r rhai gofal plant yn dweud iddynt ei chael yn anodd recriwtio dros y flwyddyn ddiwethaf.

Yng nghyd-destun ehangach heriau staffio yn y sectorau gofal cymdeithasol a gofal plant, os bydd Brexit yn effeithio ar hawliau neu dueddiad gwladolion yr UE nad ydynt o'r DU i aros yn y DU, mae perygl y gallai hynny arwain at waethygu'r heriau recriwtio sydd eisoes yn bodoli yn y sectorau hyn.