Hoffem gael eich barn ar newidiadau arfaethedig i'r ffordd y caniateir i chi ddal (codi a chario) ieir dodwy ac ieir bwyta ar gyfer eu cludo.
Disgrifiad o'r ymgynghoriad
Rydym yn ymgynghori ar sut i ddal ieir yn gyfreithiol wrth lwytho a dadlwytho ar gyfer eu cludo fel rhan o weithgareddau masnachol.
Rydym yn cynnig gwneud y gyfraith yn gliriach fel y gallwch ddal ieir wrth ddwy goes. Mae hyn yn unol â pholisi llesiant sefydledig.
Rydym hefyd eisiau casglu mwy o wybodaeth am:
- ba mor hir y mae'n ei gymryd i ddal ieir gan ddefnyddio gwahanol ddulliau mewn gwahanol fathau o siediau
- sut mae tyrcwn yn cael eu dal a'u codi ar hyn o bryd
- sut i gasglu data i ddeall y cysylltiadau rhwng dulliau dal, nifer y bobl mewn tîm dal, a lles anifeiliaid
Arweinir yr ymgynghoriad gan DEFRA ac mae'n cael ei gynnal ar y cyd rhwng llywodraethau'r DU, Cymru a'r Alban.
Mae'r ymgynghoriad hwn yn cael ei gynnal ar GOV.UK