Dadansoddiad o faint y busnesau: 2022

Prif bwyntiau

• Amcangyfrifwyd bod 253,800 o fentrau'n weithredol yng Nghymru, gan gyflogi tua 1.1 miliwn o bobl.
• Roedd y rhan fwyaf o fentrau gweithredol yn fusnesau bach a chanolig eu maint gyda 0-249 o weithwyr. Roeddent yn cyfrif am 99.3% o gyfanswm y mentrau yng Nghymru yn 2022. Roedd microfusnesau (0-9 o weithwyr) yn cyfrif am 94.7% o gyfanswm y mentrau yng Nghymru.
• Roedd 37.1% o gyflogaeth yn y sector preifat yng Nghymru o fewn mentrau mawr (y rhai sydd â 250 neu fwy o weithwyr), o'i gymharu â 39.7% ar gyfer y DU cyfan.
• Ers 2003 bu lleihad o 4.4 pwynt canran yng nghyfran y gyflogaeth mewn mentrau mawr.
• Roedd tua 0.6% o fentrau byw yng Nghymru a pherchentyaeth tu allan i’r DU. Roedd y rhain yn cynrychioli 14.1% o’r gyflogaeth.
• Roedd amrywiad sylweddol rhwng sectorau diwydiant, gyda swyddi mewn amaethyddiaeth, coedwigaeth a pysgota wedi eu dominyddu gan ficrofusnesau (84.2%) a chyflogaeth yn y diwydiannau cynhyrchu wedi eu crynhoi yn y band maint mwyaf (48.3%).