Cysylltiadau rhwng Diploma Uwch Bagloriaeth Cymru ac addysg uwch

Mae’r adroddiad hwn yn ymwneud ag un agwedd allweddol ar Diploma Uwch Bagloriaeth Cymru (CBC). Sef, ei effeithiolrwydd o ran paratoi pobl ifanc ar gyfer addysg uwch.

Mae’r gwerthusiad yn defnyddio methodoleg dulliau cymysg, gan gynnwys elfen feintiol wedi’i seilio ar setiau data presennol.

Mae’r gwerthusiad yn adrodd am ddau ganfyddiad allweddol ond cydgysylltiedig. Y cyntaf yw bod tystiolaeth gref i awgrymu bod CBC yn arbennig o werthfawr o ran helpu myfyrwyr i gael eu derbyn i addysg uwch. Mae’n ymddangos bod y budd hwn yn deillio’n bennaf o’r pwysoliad a roddir i elfen Craidd CBC fel cymhwyster cyfwerth â Safon Uwch ychwanegol (gradd A) ar gyfer (rhai) derbyniadau i brifysgolion.

Fodd bynnag, mae’r gwerthusiad hefyd yn canfod tystiolaeth sy’n awgrymu bod myfyrwyr sy’n meddu ar Craidd CBC yn llai tebygol o gyflawni canlyniad gradd ‘da’ na myfyrwyr cyfwerth nad ydynt yn meddu ar Craidd CBC, pan fyddant yn y brifysgol.

Adroddiadau