Cynllun incwm isel: cymorth gyda chostau iechyd y GIG

Os oes gennych hawl i gael triniaeth y GIG a’ch bod yn bodloni amodau penodol, fe allech gael cymorth gyda chostau:

• triniaeth ddeintyddol y GIG
• profion llygaid
• sbectolau a lensys cyffwrdd
• teithio angenrheidiol i ac o’r ysbyty am driniaeth y GIG o dan ofal meddyg ymgynghorol yn yr ysbyty

I ddarganfod a all y cynllun eich helpu chi, ewch i’r gwiriwr ar-lein neu llenwch ffurflen HC1W. 

Rydych yn gymwys i wneud cais cyn belled nad yw gwerth eich cynilon, eich buddsoddiadau neu’ch eiddo (ac eithrio’r cartref lle rydych yn byw) yn fwy na:

• £24,000 i bobl sy’n byw yn barhaol mewn cartref gofal
• £16,000 i bawb arall

Nodwch nad yw’r Cynllun Incwm Isel yn rhoi’r hawl yn awtomatig ichi gael triniaeth y GIG. Mae’n helpu pobl sydd â hawl i gael triniaeth y GIG gyda chostau penodol.

 Os ydych yn gymwys i gael cymorth byddwch yn cael tystysgrif y GIG:

• Mae tystysgrif HC2W yn rhoi’r hawl ichi gael cymorth llawn gyda chostau iechyd
• Mae tystysgrif HC3W yn rhoi’r hawl ichi gael cymorth rhannol gyda chostau iechyd

Mae’r dystysgrif yn nodi beth sy’n cael ei gynnwys ac am ba hyd y bydd yn ddilys.

Ni fydd plant wedi’u cynnwys yn asesiad Cynllun Incwm Isel y GIG. Bydd angen ichi hawlio Credydau Treth Plant gan CaThEM.

Os ydych chi angen cymorth ar frys gyda chostau iechyd cyn ichi gael unrhyw fudd-daliadau yr ydych yn gymwys i’w cael, gwnewch gais ar wahân ar ffurflen HC1W.

Os nad ydych eisiau oedi eich triniaeth GIG, trwsio sbectol neu gael sbectol newydd, efallai y bydd rhaid ichi dalu, a hawlio ad-daliad yn ddiweddarach.