Cynllun Buddsoddi mewn Busnesau Bwyd: adolygiad

Canfyddiadau allweddol

• Ar y cyfan, roedd cyfranogwyr ymchwil yn bositif am y cynllun. Yn gyffredinol, wnaeth cyfranogwyr teimlo bod unrhyw heriau a brofwyd ganddynt o ganlyniad i'r cynllun wedi’u gorbwyso gan eu cryfderau.
• Y cryfderau allweddol a nodwyd gan fusnesau bwyd oedd: yr allbynnau a gyflawnwyd o ganlyniad i'r buddsoddiad cyfalaf; y gefnogaeth a ddarperir gan swyddogion llywodraeth a swyddogion a ariennir gan y llywodraeth (gan gynnwys swyddogion cymorth busnes); a'r effeithiau uniongyrchol y mae busnesau wedi'u priodoli i'r arian grant. Wnaeth yr effeithiau uniongyrchol yma cynnwys mwy o gyflogaeth, cyfleoedd hyfforddi a chynaliadwyedd amgylcheddol gwell. Cyfrannodd yr agweddau hyn at boblogrwydd y cynllun; teimlad cyfranogwyr ymchwil oedd ei fod yn llenwi bwlch o ran y cymorth sydd ar gael i fusnesau bwyd a diod Cymru.
• Nodwyd meysydd ar gyfer gwella'r cynllun hefyd gan gyfranogwyr ymchwil. Y prif faterion a nodwyd oedd hyd ac anhyblygrwydd y prosesau ymgeisio a hawliadau, ac anghysondebau o ran cyfathrebu â swyddogion Llywodraeth Cymru.
• Er gwaethaf yr heriau gyda'r cynllun a nodwyd gan gyfranogwyr ymchwil, teimlai'r mwyafrif ei fod wedi bod o fudd mawr i'r busnesau hynny sy'n derbyn cymorth. Yn fwy cyffredinol, y farn oedd bod y cynllun wedi cael effaith gadarnhaol ar sector bwyd a diod Cymru. Hoffai llawer o gyfranogwyr weld buddsoddiad yn y dyfodol mewn mathau eraill o gymorth, fel cyfleoedd hyfforddi yn ymwneud â sgiliau busnes.