Cyfraddau casglu'r Dreth Gyngor: Ebrill 2020 i Fawrth 2021

Prif bwyntiau

• Yn 2020-21, casglwyd 95.7% o filiau'r dreth gyngor gan awdurdodau bilio, gostyngiad o 1.3.pwynt canran.
• Cofnododd pob awdurdod ostyngiad o flwyddyn i flwyddyn yn eu cyfradd gasglu yn 2020-21 yn bennaf oherwydd atal adennill dyledion yn ystod pandemig COVID-19. 
• Cafwyd y gyfradd gasglu uchaf y flwyddyn hon yng Nghastell-nedd Port Talbot (97.5%) a’r gyfradd gasglu isaf ym Mlaenau Gwent (91.0%).
• Yr union swm a gasglwyd o safbwynt biliau 2020-21, heb gynnwys cynllun gostyngiadau’r dreth gyngor, oedd £1,731 miliwn allan o’r £1,808 miliwn a oedd yn ddyledus.
• Yn ystod 2020-21, casglwyd £22 miliwn o ôl-ddyledion o ran blynyddoedd blaenorol gan awdurdodau bilio, a chafodd gwerth £4 miliwn eu dileu fel dyledion drwg. Mae'r symiau a ddilëwyd yn llawer is nag mewn blynyddoedd blaenorol.
• Y cyfanswm a oedd yn ddyledus ar 31 Mawrth 2021 oedd £157 miliwn, gyda £7 miliwn o’r swm hwn yn ôl-ddyledion yn ystod y flwyddyn.