Andrew Dickenson Prif Swyddog Deintyddol

Mae ei brif rôl a chyfrifoldebau yn cynnwys:

• darparu arweinyddiaeth i bob ymarferydd deintyddol a gweithiwr proffesiynol gofal deintyddol
• mewnbwn proffesiynol i drefniadau cynllunio’r gweithlu a threfniadau contractiol i gefnogi eu rôl broffesiynol
• darparu cyngor, arweiniad, a chymorth i’r Gweinidog ar bob mater sy’n ymwneud â gwasanaethau deintyddol ac iechyd y geg
• monitro a hyrwyddo ansawdd:
  • gwasanaethau gofal iechyd deintyddol
  • canlyniadau sy’n ymwneud â chleifion
  • strategaethau i fynd i’r afael ag anghydraddoldebau iechyd y geg
  • rheoleiddio iechyd y geg
  • addysg
  • hyfforddiant
  • perfformiad
  • gweithredu safonau sy’n seiliedig ar dystiolaeth i gyflawni, a chynnal, gwasanaethau deintyddol o ansawdd uchel
• datblygu polisïau a strategaethau i hybu a gwella iechyd y boblogaeth gan sicrhau mynediad amserol at wasanaethau deintyddol

Fel clinigwr mae gan Andrew gymwysterau deuol mewn deintyddiaeth a meddygaeth. Ymgymerodd â hyfforddiant llawfeddygol ôl-raddedig ar draws rhanbarthau Gogledd Ddwyrain a Chanolbarth Lloegr. Yn 2003 daeth yn Ymgynghorydd llawfeddygaeth y Geg a’r Ên ac Wyneb. Mae wedi gweithio ym maes addysg feddygol a deintyddol, gan ymuno ag Addysg Iechyd Lloegr fel Deon Addysg Ôl-raddedig yn 2014.

Mae Andrew yn Athro gwadd ym maes iechyd a gofal cymdeithasol ym Mhrifysgol Caer.

Ei flaenoriaethau ar hyn o bryd yw:

• canolbwyntio ar adfer ac ailosod gwasanaethau deintyddol yn dilyn y pandemig COVID-19
• ailddechrau rhaglen diwygio contractau ar gyfer deintyddiaeth gofal sylfaenol