Coedwig Genedlaethol i Gymru – Y Grant Buddsoddi mewn Coetir (Cronfa Treftadaeth y Loteri Genedlaethol – Cylch 1)

Bydd y Grant Buddsoddi mewn Coetir yn darparu cyllid i greu, adfer a gwella coetiroedd. Mae’n rhan o’r rhaglen Coedwig Cenedlaethol i Gymru.

Cafodd y rhaglen ei hariannu ar y cyd gennym ni a Chronfa Treftadaeth y Loteri Genedlaethol.

Bu’r rhaglen yn darparu cymorth ariannol i bobl:

• greu coetiroedd newydd
• gwella ac ehangu coetiroedd presennol

yn unol â Safon Coedwigaeth y DU.

Rhaid bod gan y coetiroedd hyn botensial i fod yn rhan o rwydwaith y Goedwig Genedlaethol yn y dyfodol. Mae hyn yn golygu coetiroedd sy'n:

• cael eu rheoli'n dda
• yn hygyrch i bobl
• yn rhoi cyfle i gymunedau lleol gyfrannu at goetiroedd a natur

Cynigiodd y cynllun:

• grantiau rhwng £40,000 – £250,000 (gan ystyried prosiectau eithriadol sy’n costio mwy)
• hyd at 100% o gyllid
• hyd at 2 flynedd i gyflawni’r prosiect
• cyllid cyfalaf a refeniw
• cyllid y gellid ei gyfuno â mathau eraill o grantiau a ffynonellau cyllido,
• cyngor a chymorth i gynllunio eich prosiect a sut i ymgeisio

Roedd y cynllun yn agored i berchnogion tir a rheolwyr gan gynnwys sefydliadau dielw.

Gallwch ddod o hyd i fwy o fanylion yn: Y Grant Buddsoddi mewn Coetir (TWIG) ( ar Cronfa Treftadaeth y Loteri Genedlaethol).

Am ragor o wybodaeth, cysylltwch â: CoedwigGenedlaetholCymru@llyw.cymru.