Adeiladau bron di-ynni (WGC 002/2021)
Y dyddiad pan fydd yn rhaid i adeiladau newydd fod bron yn ddi-ynni a’r safonau y mae’n rhaid iddynt eu bodloni.
Efallai na fydd y ffeil hon yn gyfan gwbl hygyrch.
Ar y dudalen hon
Mae’r cylchlythyr hwn yn egluro sut mae’n rhaid i adeiladau newydd fodloni Rheoliad 25B o Reoliadau Adeiladu 2010 (fel y’u diwygiwyd).
Cylchlythyr reoliadau adeiladu
| Rhif y Cylchlythyr: | WGC 002/2021 | Dyddiad cyhoeddi: | 25/02/2021 |
| Statws: | Er gwybodaeth | ||
| Teitl: |
Gofynion adeiladau bron di-ynni ar gyfer adeiladau newydd |
||
| Cyhoeddwyd gan: | Francois Samuel: Pennaeth Rheoliadau Adeiladu | ||
| Cyfeiriwyd at: | Anfonwch ymlaen at: | ||
|
Prif Weithredwyr Awdurdodau Lleol Cymdeithas Llywodraeth Leol Cymru Cymdeithas Arolygwyr Cymeradwy Corfforaethol Cyngor y Diwydiant Adeiladu Fforwm Personau Cymwys |
Swyddogion Rheoli Adeiladu'r Awdurdodau Lleol Aelodau’r Senedd |
||
| Crynodeb: | |||
| Mae hwn yn gylchlythyr sy’n egluro’r broses o weithredu’r gofynion ar gyfer adeiladau newydd er mwyn bodloni Rheoliad 25B o Reoliadau Adeiladu 2010 (fel y’u diwygiwyd), sy’n nodi y dylai pob adeilad newydd fod yn adeilad bron di-ynni o 31 Rhagfyr 2020. | |||
| I gael rhagor o wybodaeth cysylltwch â: | |||
|
Paul Keepins Rheoliadau Adeiladu Swyddfeydd Llywodraeth Cymru Merthyr Tudful CF48 1UZ |
Llinell Uniongyrchol: |
0300 062 8646 | |
| E-bost: |
enquiries.brconstruction@llyw.cymru | ||
| Gwefan: |
https://llyw.cymru/adeiladu-a-chynllunio | ||
Cyflwyniad
Bwriad y llythyr hwn yw egluro'r broses o weithredu gofynion adeiladau bron di-ynni ar gyfer adeiladau newydd, mewn perthynas â Rheoliad 25B o Reoliadau Adeiladu 2010 (ac eithrio adeiladau newydd o dan berchnogaeth a meddiant awdurdodau cyhoeddus, yr oedd yn ofynnol iddynt fod yn adeiladau bron di-ynni o 1 Ionawr 2019. Cafodd y broses o weithredu’r gofynion ar gyfer yr adeiladau hyn ei hamlinellu mewn cylchlythyr blaenorol).
Mae’r llythyr hwn yn amlinellu’r canllawiau ar gyfer adeiladau newydd, y mae’n ofynnol iddynt fodloni Rheoliad 25B o 31 Rhagfyr 2020.
Cwmpas
Mae’r canllawiau yn y Cylchlythyr hwn yn berthnasol i adeiladau a gwaith adeiladu yng Nghymru, ac eithrio adeiladau o dan berchnogaeth a meddiant awdurdodau cyhoeddus.
Rheoliad 25B
Mae Rheoliad 25B yn datgan: 'Pan fydd adeilad yn cael ei godi, mae'n rhaid iddo fod yn adeilad bron di-ynni'.’
Ar gyfer adeiladau newydd o dan berchnogaeth a meddiant awdurdodau cyhoeddus, y dyddiad ar gyfer Rheoliad 25B yn dod i rym yw 1 Ionawr 2019.
Ar gyfer pob adeilad newydd arall, y dyddiad ar gyfer Rheoliad 25B yn dod i rym yw 31 Rhagfyr 2020.
Cydymffurfio â Rheoliad 25B
Gellir cyrraedd y lefel ofynnol o gydymffurfio â'r gofyniad hwn trwy fodloni Targed y Gyfradd Allyriadau sy'n ofynnol o dan Reoliad 26, ac yn ychwanegol ar gyfer adeiladau nad ydynt yn adeiladau domestig, y Gyfradd Defnyddio Ynni Sylfaenol o dan Reoliad 26A.
Dylai'r rhai sy'n cynnal y gwaith hwn hefyd ddadansoddi ymarferoldeb technegol, amgylcheddol ac economaidd defnyddio systemau amgen effeithlonrwydd uchel, sy'n cynnwys systemau cyflenwi ynni wedi’u datganoli, yn seiliedig ar ynni o ffynonellau adnewyddadwy, ac ystyried hyn fel sy'n ofynnol yn ôl Rheoliad 25A.
Nodwch fod safonau’r Rheoliadau Adeiladau o ran effeithlonrwydd ynni yn cael eu hadolygu ar hyn o bryd. Rydym wedi ymgynghori ynghylch gwelliannau dros dro sylweddol i’r safonau effeithlonrwydd ynni ar gyfer cartrefi newydd fel cam cyntaf tuag at safon Rhan L 2025. Mae rhagor o wybodaeth ar gael yn:
Ymholiadau
Dylid anfon unrhyw ymholiadau am y Cylchlythyr hwn at:
Francois Samuel, Rheoliadau Adeiladu, Llywodraeth Cymru, Rhyd-y-car, Merthyr Tudful, CF48 1UZ.
Ffôn: 03000 628232.
E-bost: enquiries.brconstruction@llyw.cymru
Yn gywir,
Francois Samuel
Pennaeth Rheoliadau Adeiladu