Ystadegau’r Dreth Trafodiadau Tir: Mai 2018

Y datganiad ystadegol hwn yw’r ystadegau swyddogol ar gyfer y Dreth Trafodiadau Tir.

Amodol yw’r amcangyfrifon cychwynnol hyn. Byddwn ni’n adolygu’r amcangyfrifon hyn yn y cyhoeddiad misol nesaf ar yr ystadegau ar 26 Gorffennaf. Y rheswm am hyn yw bod sefydliadau’n dal I fod yn gallu adrodd ynghylch trafodiadau pellach ar gyfer mis Mai. Mae gan sefydliadau 30 diwrnod ar ôl dyddiad y trafodiad i roi gwybod amdanynt i ACC.

Pwyntiau allweddol

Ar gyfer trafodiadau TTT hysbysadwy gyda dyddiad dod i rym ym mis Mai 2018:

• 4,450 o drafodiadau hysbysadwy wedi’u hadrodd ar gyfer y Dreth Trafodiadau Tir, gyda chyfanswm o £13.5 miliwn o dreth yn ddyledus 
• 3,080 o drafodiadau preswyl ar gyfer y Dreth Trafodiadau Tir ar y brif gyfradd, gyda 1.000 o drafodiadau'r Dreth ar y gyfradd uwch, sy’n golygu cyfanswm o £10.1 miliwn o dreth yn ddyledus o’u cyfuno, a
• 360 o drafodiadau TTT amhreswyl, gan arwain at £3.3 miliwn o dreth yn ddyledus. 
• Ar ddiwedd 13 Mehefin, roedd 1,577 o sefydliadau wedi cofrestru ar gyfer cyflwyno’r Dreth Trafodiadau Tir ar-lein, gyda chyfanswm o 4,023 o ddefnyddwyr ar-lein wedi’u cofrestru.