Ystadegau’r Dreth Trafodiadau Tir: Ionawr i Mawrth 2024

Yn ein datganiad ym mis Ionawr, fe wnaethom ddechrau cyhoeddi data chwarterol ar gyfer ardaloedd lleol am y tro cyntaf. O’r blaen, dim ond yn flynyddol yr oeddem wedi cyhoeddi data ardal leol a hynny yn ein datganiad blynyddol. Ym mis Ionawr, gwnaethom ofyn am farn ynglŷn ag a oes angen i ni gyhoeddi ein datganiad ystadegol blynyddol yn y dyfodol. Ar ôl ystyried yr adborth, rydym yn bwriadu rhoi’r gorau i gyhoeddi datganiad ystadegol blynyddol gan fod rhywfaint o ddadansoddi bellach yn cael ei gofnodi mewn modd mwy amserol yn ein datganiadau chwarterol. Rydym yn dal i ystyried sut i ddiweddaru ein herthygl sy’n egluro sut i ddefnyddio data ar gyfer ardaloedd lleol. Os oes gennych unrhyw farn ar y newidiadau hyn, cysylltwch â ni yn data@acc.llyw.cymru.

Gwybodaeth bellach

Gweler yr adran ‘Data’ isod am daenlen gyda’r tablau data a’r data siartiau a ddefnyddiwyd yn yr adroddiad hwn. Hefyd, mae’r setiau data Treth Trafodiadau Tir manwl i’w gweld ar wefan StatsCymru.

Rydym hefyd yn cyhoeddi ystadegau misol i'w gweld ar dudalen cyfres y Dreth Trafodiadau Tir.

Mae ystadegau misol yn ddiweddariadau data yn unig heb unrhyw sylwebaeth. Gall yr ystadegau misol fod â mwy o ddata cyfoes nag ystadegau chwarterol.

Mae data pellach wedi’u cynhyrchu mewn ymateb i geisiadau Rhyddid Gwybodaeth a dderbyniwyd gan ACC yn ymwneud â’r ymgynghoriad cyhoeddus ar ryddhadau treth trafodiadau tir. Maen nhw’n gyson â data treth cyfanredol ehangach y dreth trafodiadau tir ar gyfer 2023-24 fel y’u cyhoeddwyd fel rhan o’r datganiad ystadegol ar 25 Ebrill 2024. Ewch i’n gwybodaeth am ansawdd i gael rhagor o wybodaeth am sut mae ystadegau TTT yn cael eu cynhyrchu. 

Mae ystadegau Treth Trafodiadau Tir Ionawr i Fawrth 2024 wedi’u diweddaru i gynnwys Etholaethau Seneddol San Steffan 2024 ar StatsCymru.