Ystadegau’r Dreth Trafodiadau Tir: Hydref i Rhagfyr 2018

Y datganiad ystadegol hwn yw’r ystadegau swyddogol ar gyfer y Dreth Trafodiadau Tir.

Amodol yw’r amcangyfrifon cychwynnol hyn. Byddwn ni’n adolygu’r amcangyfrifon hyn yn y cyhoeddiad nesaf ar yr ystadegau. Y rheswm am hyn yw bod sefydliadau’n dal I fod yn gallu adrodd ynghylch trafodiadau pellach ar gyfer mis Rhagfyr.

Mae gan sefydliadau 30 diwrnod ar ôl dyddiad y trafodiad i roi gwybod amdanynt i ACC.

Pwyntiau allweddol

Mae’r datganiad hwn yn amlinellu'r amcangyfrifon amodol ar gyfer mis Rhagfyr, ac amcangyfrifon diwygiedig ar gyfer mis Ebrill i fis Tachwedd.

Maen nhw’n rhoi cipolwg cryno ar y trafodiadau Treth Trafodiadau Tir hysbysadwy a ddaeth i law erbyn diwedd 21 Ionawr.

Ar gyfer trafodiadau hysbysadwy’r Dreth Trafodiadau Tir gyda dyddiad dod i rym yn Hydref i Ragfyr, roedd:

• 17,280 o drafodiadau hysbysadwy wedi’u hadrodd ar gyfer y Dreth Trafodiadau Tir, gyda chyfanswm o £66.5 miliwn o dreth yn ddyledus
• 12,060 o drafodiadau preswyl ar gyfer y Dreth Trafodiadau Tir ar y brif gyfradd, gyda 3,600 o drafodiadau'r Dreth ar y gyfradd uwch, sy’n golygu cyfanswm o £47.2 miliwn o dreth yn ddyledus o’u cyfuno, a 
• 1,620 o drafodiadau Treth Trafodiadau Tir amhreswyl, gan arwain at £19.3 miliwn o dreth yn ddyledus.
• Mae’r ffigurau hyn yn dangos cynnydd o’u cymharu â’r ffigurau cyfatebol am gyfer Gorffennaf i Fedi 2018. Yn gyrru hyn, roedd cynnydd yn y trafodiadau yn y sectorau preswyl ac amhreswyl, yn arbennig y lefel misol uchaf hyd yma ym mis Tachwedd ar drafodiadau preswyl.