Ystadegau Twf Swyddi Cymru+: Hydref i Ragfyr 2024

Mae'r pennawd hwn yn cyflwyno gwybodaeth am y bobl ifanc sydd wedi cofrestru ar raglen Twf Swyddi Cymru+.

Mae'r data yn y datganiad hwn yn cwmpasu trydydd chwarter blwyddyn ariannol 2024-25 (Hydref 2024 i Ragfyr 2024). Ffigurau dros dro yw’r rhain ac mae’n debygol y byddant yn cael eu hadolygu mewn cyhoeddiadau yn y dyfodol wrth i ddata gael eu diweddaru. Cafodd rhaglen Twf Swyddi Cymru+ ei lansio ar 1 Ebrill 2022.

• Yn ystod Hydref 2024 i Ragfyr 2024 roedd 4,090 o raglenni’n weithredol drwy Twf Swyddi Cymru+, 2,865 o’r rhain wedi parhau o chwarter 2 a 1,225 o’r rhain yn ddechreuadau newydd. Ar ddiwedd Rhagfyr 2024
  roedd 3,190 o'r rhaglenni hyn yn parhau.
• Mae nifer y dechreuwyr rhwng Hydref 2024 a Rhagfyr 2024 wedi cynyddu 1.7% o gymharu â'r un chwarter yn y flwyddyn flaenorol (1,225 o gymharu â 1,205).
• Fe wnaeth 900 o raglenni Twf Swyddi Cymru+ ddod i ben yn ystod Hydref i Rhagfyr 2024, gyda 585 ohonynt wedi'u cwblhau. O'r rhaglenni a ddaeth i ben, cafodd 57.5% o’r bobl ifanc ganlyniad cadarnhaol yn seiliedig ar eu cyrchfan o fewn pedair wythnos ar ôl cwblhau'r rhaglen.
• Yr awdurdod lleol oedd â'r nifer uchaf o gychwyniadau ym mis Hydref i Ragfyr 2024 oedd Caerdydd (18.2%), ac yna Caerffili (8.2%) a Chastell-Nedd Port Talbot (8.1%). Roedd y nifer isaf o gychwyniadau yn Sir y Fflint (0.4%), ac yna Gwynedd (0.7%) a Phowys (0.9%).
• Yr awdurdod lleol â'r nifer uchaf o raglenni wedi'u cwblhau ym mis Hydref i Ragfyr 2024 oedd Casnewydd (10.4%), ac yna Abertawe (9.5%) a Chastell-Nedd Port Talbot (9.2%). Roedd y nifer isaf o raglenni wedi'u cwblhau ym Mhowys a Sir Ddinbych (0.5% yr un), ac yna Sir Fynwy (0.7%).
• Erbyn diwedd Rhagfyr 2024, roedd 14,560 o raglenni TSC+ Mwy wedi cychwyn ers i’r rhaglen ddechrau yn Ebrill 2022. Mae 11,480 o’r rhaglenni hynny wedi dod i ben a 7,530 wedi’u cwblhau. 

Ffigur 1: Cyrchfan ar ôl gadael rhaglen Twf Swyddi Cymru+, Hydref i Ragfyr 2024 (dros dro)

Image

Disgrifiad o Ffigur 1: Mae'r siart bar hwn yn dangos cyfran y rhai sy'n gadael Twf Swyddi Cymru+ rhwng Hydref a Rhagfyr 2024 drwy gyrchfan ar ôl cwblhau'r rhaglen. Y categori sengl mwyaf yw 'Ceisio Gwaith neu ddi-waith' sef 33.6% (300 o gyfranogwyr). Dilynir hyn gan 'Dysgu – lefel uwch' ar 28.8% (260 o gyfranogwyr) ac 'Cyflogedig' ar 25.3% (230 o gyfranogwyr).

Ffynhonnell: Cofnod Dysgu Gydol Oes Cymru (LLWR)

Pwrpas Rhaglen Ieuenctid Twf Swyddi Cymru+ yw darparu hyfforddiant, datblygiad a chefnogaeth gyflogadwyedd gyfunol ac unigol i bobl ifanc 16 i 19 oed sy'n cael eu hasesu’n NEET (nad ydynt mewn addysg, cyflogaeth na hyfforddiant) ar yr adeg y maent yn dechrau rhaglen Twf Swyddi Cymru+.

Bydd rhaglen Twf Swyddi Cymru+ yn cefnogi cyflawni blaenoriaethau strategol Llywodraeth Cymru i fynd i'r afael â'r canlyniadau a'r ffactorau risg sy'n gysylltiedig â phobl ifanc yn NEET, sy'n rhan annatod o'r Gwarant i Bobl Ifanc, Cymru gryfach, decach a gwyrddach (y cynllun ar gyfer cyflogadwyedd a sgiliau), y Rhaglen Lywodraethu a’n Hamcanion Llesiant.

Amcanion rhaglen Twf Swyddi Cymru+

• Cyfrannu tuag at leihau nifer y bobl ifanc 16 i 19 oed sy'n NEET.
• Sicrhau canlyniadau cadarnhaol i bobl ifanc 16 i 19 oed sydd mewn perygl o fod yn NEET.
• Cyfrannu at gyflawni amcanion Llesiant Cenedlaethau'r Dyfodol drwy ddarparu cymorth cyflogadwyedd i bobl ifanc 16 i 19 oed sy'n cynnig cyfle cyfartal (gan gynnwys y Gymraeg), yn hybu lles a gwaith teg, ac yn helpu i ymgorffori dulliau amgylcheddol sy'n lleihau niwed.

Roedd y cyfnod rhwng 1 Mawrth 2022 a 31 Mawrth 2022 yn gyfnod pontio i ddysgwyr a oedd yn arfer bod ar y rhaglen Hyfforddeiaethau.

Mae’n bosibl y bydd y boblogaeth o bobl ifanc 16 i 19 oed ym mhob awdurdod lleol yn dylanwadu ar gyfran y nifer sy’n dechrau ac yn cwblhau Twf Swyddi Cymru+ gan awdurdodau lleol. Er enghraifft, mae awdurdod lleol sydd â phoblogaeth uwch o bobl ifanc 16 i 19 oed yn debygol o gyfrifo gyfran uwch o’r rhai sy’n dechrau ac yn cwblhau.

Canlyniadau cadarnhaol

Caiff canlyniadau cadarnhaol eu mesur yn ôl cyrchfan y dysgwr o fewn pedair wythnos ar ôl gadael rhaglen Twf Swyddi Cymru. I ddysgwyr ar y llinynnau Ymgysylltu a Datblygu, canlyniad cadarnhaol yw naill ai symud ymlaen i ddysgu ar lefel uwch, symud ymlaen i gyflogaeth (llawnamser, rhan-amser neu hunangyflogaeth) neu symud ymlaen i Brentisiaeth. I ddysgwyr ar y llinyn Cyflogaeth, canlyniad cadarnhaol yw naill ai symud ymlaen i gyflogaeth (llawnamser, rhan-amser (16 awr neu fwy yr wythnos) neu hunangyflogaeth) neu symud ymlaen i Brentisiaeth.

I ddysgwyr anabl, mae cyflogaeth o lai na 16 awr yr wythnos hefyd yn cael ei ystyried yn ganlyniad cadarnhaol.

Mae gwaith gwirfoddol, dysgu pellach ar yr un lefel neu lefel is, a chyflogaeth o lai na 16 awr yr wythnos yn cael eu hystyried yn ganlyniadau niwtral. Caiff dysgwyr â'r canlyniadau hyn eu heithrio o'r enwadur wrth gyfrifo cyfraddau canlyniadau cadarnhaol.

Mae chwilio am waith/di-waith a phob canlyniad arall (gan gynnwys lle nad yw'r gyrchfan o fewn pedair wythnos yn hysbys) yn cael eu hystyried yn ganlyniadau negyddol.

Ffynhonnell ddata

Mae’r data’n seiliedig ar ddata a gasglwyd ym mis Tachwedd 2024 ar gyfer LLWR. Rhaid i Gontractwyr Twf Swyddi Cymru+ gyflwyno gwybodaeth i Lywodraeth Cymru yn fisol o leiaf ar bob person ifanc a’u rhaglenni, gweithgareddau a dyfarniadau o dan raglen Twf Swyddi Cymru+.

Mae’r holl ffigurau wedi’u talgrynnu i’r 5 agosaf. Cyfrifir y canrannau ar sail y ffigurau heb eu talgrynnu.

Ni chafodd y bennawd chwarterol o Ebrill 2024 i Mehefin 2024 eu gyhoeddi. Bydd y ddata yn gael eu cyflwyno yn y gyhoeddiad blynyddol ym Mehefin 2025.

Ystadegydd: Marcela Beck
E-bost: ystadegau.marchnadlafur@llyw.cymru 

Cyfryngau: 0300 025 8099