Ystadegau economaidd allweddol: Hydref 2020

Nodyn ar ailbwysoli

Ar 13eg Hydref 2020, bu i ONS ailbwysoli yr Arolwg o’r Farchnad Lafur ar gyfer y cyfnodau Ionawr i Fawrth 2020 i Fai i Fehefin 2020.

Mae’r pandemig COVID-19 wedi golygu bod cyfweliadau Arolygon y Farchnad Lafur wedi newid o fod wyneb yn wyneb yn bennaf i gyfweliadau ffôn yn gynharach eleni.  Arweinodd hyn at newid yn y mathau o aelwydydd oedd yn ymateb i’r arolwg, ac i fod yn sampl llai cynrychioladol o bosibl o ran y ddeiladaeth dai.  Mae’r arolwg felly wedi ei ailbwysoli fel bod dosbarthiad y ddeiliadaeth dai yr un â chyn y pandemig ym mis Mawrth.  Caiff hyn ei egluro’n fanwl mewn blog y Swyddfa Ystadegau Gwladol.

Er nad yw’r ailbwysoli wedi newid  tueddiad cyffredinol y data, mae wedi gostwng y gyfradd gyflogi ar gyfer Cymru.

Image

Prif ddangosyddion y farchnad lafur, y 3 mis hyd at fis Awst 2020

Er bod y cyfnod amser cyfan ar gyfer yr amcangyfrifon hyn o’r Arolwg o'r Llafurlu yn ymdrin â’r pandemig coronafeirws (COVID-19), mae ffynonellau data eraill, megis nifer y gweithwyr cyflogedig a gyflwynir yn nes ymlaen yn y penawd hwn, yn cynnig darlun mwy amserol a chyflawn o ran deall effaith COVID-19 ar yr economi.

Cyfradd cyflogaeth

Image

Cymru: Roedd y gyfradd gyflogaeth yng Nghymru yn 72.7%, i lawr 1.5 pwynt canran ers y chwarter blaenorol ac i lawr 1.5 pwynt canran ers yr un cyfnod flwyddyn ynghynt.

DU: Roedd y gyfradd gyflogaeth ar gyfer y DU yn 75.6%, i lawr 0.3 pwynt canran ers y chwarter blaenorol ac i lawr 0.3 pwynt canran ers yr un cyfnod flwyddyn ynghynt.

Cyfradd diweithdra

Image

Cymru: Roedd y gyfradd diweithdra yng Nghymru yn 3.8%, i fyny 1.0 pwynt canran ers y chwarter blaenorol ac i lawr 0.4 pwynt canran ers yr un cyfnod flwyddyn ynghynt.

DU: Roedd y gyfradd diweithdra’r DU yn 4.5%, i fyny 0.4 pwynt canran ers y chwarter blaenorol ac i fyny 0.6 pwynt canran ers yr un cyfnod flwyddyn ynghynt.

Cyfradd anweithgarwch economaidd

Image

Cymru: Roedd y gyfradd anweithgarwch economaidd yng Nghymru yn 24.4%, i fyny 0.7 pwynt canran ers y chwarter blaenorol ac i fyny 1.9 pwynt canran ers yr un cyfnod flwyddyn ynghynt

DU: Roedd y gyfradd anweithgarwch economaidd ar gyfer y DU yn 20.8%.  Nid yw hyn wedi newid ers y chwarter ac mae gostyngiad o 0.2 pwynt canran ers yr un cyfnod flwyddyn ynghynt. 

Enillion misol gweithwyr cyflogedig o Wybodaeth Amser Real Talu wrth Ennill

Am y tro cyntaf, mae’r Swyddfa Ystadegau Gwladol a Cyllid a Thollau Ei Mawrhydi wedi cyhoeddi data ar gyfer Cymru am weithwyr sydd ar gyflogres, tâl cymedrig, tâl yn ei grynswth ac amcangyfrifon un mis ar gyfer tâl canolrifol.

Gweithwyr cyflogedig

Image

Y data ar nifer y gweithwyr cyflogedig yw’r dangosydd cyntaf o sut y mae COVID-19 wedi cael effaith ar nifer y gweithwyr yng Nghymru

• Mae nifer y gweithwyr cyflogedig wedi cynyddu yn gyffredinol yn ddiweddar, ond wedi gostwng yn ystod y pandemig.
• Bu gostyngiad yn nifer y gweithwyr cyflogedig yn ystod y pandemig i 1.23 miliwn ym mis Gorffennaf, gostyngiad o 29,700 o bobl (2.4%) o gymharu â mis Chwefror 2020.  Fodd bynnag, mae nifer y gweithwyr cyflogedig wedi cynyddu ychydig ym mis Awst a Medi 2020.
• Mae amcangyfrifon cynnar ar gyfer Medi 2020 yn dangos bod 1.24 miliwn o weithwyr cyflogedig yng Nghymru.  Roedd hyn yn ostyngiad o 27,100 (2.1%) o gymharu â mis Chwefror 2020, ond yn gynnydd o 2,600 (0.2%) o gymharu â’r pwynt isaf ym mis Gorffennaf.

Tâl canolrifol

• Mae tâl canolrifol wedi cynyddu yn y blynyddoedd diwethaf ond wedi gostwng yn ystod Mawrth ac Ebrill 2020.
• Yng Nghymru, roedd y tâl canolrifol yn uwch na’r lefelau cyn y pandemig ers Mehefin 2020.
• Mae amcangyfrifon cynnar ar gyfer Medi 2020 yn dangos bod y tâl canolrifol yng Nghymru yn £1,800.  Roedd hyn yn gynnydd o £22 o’r mis blaenorol ac yn gynnydd o £64 o fis Chwefror 2020.
• O gymharu â’r un mis y flwyddyn flaenorol, gwelodd Gymru gynnydd yn y tâl misol o 5.6%; y twf cyflymaf ar draws 12 o siroedd a rhanbarthau y DU.