Mae Ken Skates, Ysgrifennydd y Cabinet dros yr Economi a’r Seilwaith wedi cymeradwyo cyllid ar gyfer y tair blynedd nesaf i Amgueddfa’r Ffiwsilwyr Brenhinol Cymreig yng Nghastell Caernarfon.
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Mae’r cyllid yn sicrhau y bydd yr Amgueddfa, sydd yn Nhŵr y Siambrlen a Thŵr y Frenhines yn y Castell, yn aros ar agor tan o leiaf 2020.
Dywedodd Ysgrifennydd yr Economi, Ken Skates:
“Rwy’n falch o gymeradwyo’r cyllid hwn a fydd yn sicrhau y gall yr Amgueddfa aros ar agor tan 2020.
Bydd yn golygu y gall ymwelwyr â’r castell barhau i fwynhau holl gynnwys yr Amgueddfa a dysgu am hanes hir y Ffiwsilwyr Brenhinol Cymreig drwy gyfrwng y llythyrau, y cerddi, y ffotograffau a’r eitemau eraill sydd i’w gweld.
“Mae’r Amgueddfa wedi bod yn darparu gwasanaeth gwerthfawr iawn ers y 1960au ac rwy wrth fy modd bod y cyllid hwn yn sicrhau y bydd y gwasanaeth hwn yn parhau tan y degawd nesaf a thu hwnt.”
Bydd grant gan Lywodraeth Cymru o £270,000 dros 3 blynedd yn sicrhau y bydd Ymddiriedolaeth Casgliadau’r Ffiwsilwyr Brenhinol Cymreig yn parhau i ddarparu amgueddfa achrededig sydd ar agor i’r cyhoedd, amrywiaeth o weithgareddau cyhoeddus a chyfleoedd dysgu gydol oes, yn ogystal â phethau eraill.
Dywedodd y Cyrnol Peter Knox, Cadeirydd Pwyllgor Rheoli Amgueddfa’r Ffiwsilwyr Brenhinol Cymreig:
“Mae ymddiriedolwyr y Ffiwsilwyr Brenhinol Cymreig yn croesawu’r cyhoeddiad hwn ac yn gwerthfawrogi ein perthynas hir â Cadw a Llywodraeth Cymru".