Ymgynghoriad ar y cyd gan Lywodraeth Cymru ac Estyn: newidiadau arfaethedig i gylch arolygu Estyn ac amseru ar gyfer cynlluniau gweithredu ar ôl arolygiad

Mae hefyd yn pennu’r opsiynau i newid y cyfnodau hysbysu y mae ysgolion a darparwyr yn eu derbyn cyn i’r arolwg ddigwydd.  Mae elfen derfynol yr ymgynghoriad yn gysylltiedig â’r cyfnod amser sydd gan ysgolion a darparwyr yn dilyn arolwg i baratoi ar gyfer eu cynllun gweithredu wedi arolwg.

Yn dilyn yr ymgynghoriad ar y cyd ar newidiadau arfaethedig i gylch arolygu Estyn a’r amserlen o ran llunio cynlluniau gweithredu yn dilyn arolygiad rydym wedi diwygio’r rheoliadau fel a ganlyn:

• cael gwared â’r cysylltiad rhwng arolygiadau a gynhaliwyd yn y gorffennol ac arolygiadau i ddod gan ei gwneud yn ofynnol i ysgolion a lleoliadau addysg gael eu harolygu o leiaf unwaith bob 6 mlynedd. Bydd y newid hwn yn golygu na fydd hi mor hawdd i ysgolion a lleoliadau addysg allu rhagweld pryd y cynhelir eu harolygiad nesaf
• cael gwared â’r gofyniad bod ysgolion yn gorfod rhoi tair wythnos o rybudd cyn cynnal cyfarfod â rhieni cyn arolygiad. Bydd hyn yn rhoi hyblygrwydd i Estyn roi llai o rybudd i ysgol am arolygiad os yw’n dymuno
• lleihau’r cyfnod a ganiateir ar gyfer llunio cynllun gweithredu yn dilyn arolygiad i 20 diwrnod gwaith er mwyn sicrhau bod cynllun yn cael ei lunio yn gyflym fel mater brys.

Mae Rheoliadau Addysg (Diwygiadau sy’n ymwneud ag Arolygu Addysg a Hyfforddiant) (Cymru) wedi cael eu gwneud. Dônt i rym ar 1 Medi 2014 ac maent wedi’u cyhoeddi ar y wefan ddeddfwriaeth (dolen allanol).