Ymchwil i lefelau staff nyrsio yng Nghymru

Mae hefyd yn cynnwys dadansoddiad o'r canfyddiadau sy'n ymwneud â datblygu dealltwriaeth well o'r data am staff nyrsio sydd ar gael ar wardiau meddygol a llawfeddygol yng Nghymru, a sut i ddefnyddio’r data hynny.

Mae'r adolygiad o'r dystiolaeth ar lefelau diogel o staff nyrsio yn cynnwys, er enghraifft, cymarebau rhwng nyrsys a chleifion, yr amrywiaeth o sgiliau, rôl lefelau staff nyrsio o ran yr effaith ar ddiogelwch cleifion, effeithiau anfwriadol lefelau gorfodol o staff nyrsio, a'r defnydd o offer ar gyfer lefelau staff nyrsio.

Daw'r data perthnasol sydd ar gael i'w defnyddio o'r Cofnod Staff Electronig, data GIG Cymru sydd ar gael yn gyhoeddus am staff, data ar gyfer sicrhau ansawdd o gronfa ddata system y Cofnod Staff Electronig, a data o ffynonellau posibl eraill. Yn ychwanegol, amlinellir ymgyrch i gaffael data ar y cyd â Byrddau Iechyd, gan nodi'r dulliau, sut i sicrhau ansawdd data, canfyddiadau gan ddadansoddiad cychwynnol o'r data a ddychwelwyd, a gwersi a ddysgwyd i'w dilyn yn y dyfodol.