Y Grant Ymgysylltu â Democratiaeth

Mae £300,000 ar gael y flwyddyn i wella ymgysylltiadau â democratiaeth. Dylai cymaint o bobl â phosibl gael budd o'r cyllid.

Mae ein Rhaglen lywodraethu yn cynnwys ymrwymiad i leihau'r diffyg democrataidd.

Mae'r grant hwn yn cefnogi ein nod o sicrhau bod pob dinesydd yn gallu ymgysylltu â democratiaeth.

Ein nod yw cyllido amrywiaeth o sefydliadau er mwyn sicrhau bod modd cyrraedd pob grŵp. Byddwn hefyd yn ceisio sicrhau lledaeniad daearyddol. Bydd y panel grantiau yn ystyried gwerth am arian wrth wneud penderfyniadau.

• Sefydliadau o Gymru sydd wedi eu cofrestru gyda'r Comisiwn Elusennau.
• Sefydliadau 'dielw'.
• Awdurdodau lleol yng Nghymru.

Rydym yn croesawu ceisiadau sy'n cynnig gweithio mewn partneriaeth a gweithio ar y cyd. Dylai fod un ymgeisydd arweiniol a fydd yn gweithredu fel deiliad y grant a'r rheolwr data.

Ni fyddwn yn derbyn ceisiadau gan unrhyw sefydliad sydd â chysylltiadau gwleidyddol.

Bydd ymgeiswyr llwyddiannus yn ymuno â Phartneriaeth Ymgysylltu Democrataidd Cymru. Mae'r Bartneriaeth yn cyfarfod yn rheolaidd.

Bydd ymgeiswyr llwyddiannus yn cynnig gwerthusiad ar ddiwedd cyfnod y grant.

1. Ymgeisiwch drwy lenwi'r ffurflen gais.

Mae dwy ffurflen gais ar gyfer prosiectau sy'n gofyn am arian. Cyfeiriwch at y canllawiau i sicrhau bod y ffurflen gywir yn cael ei defnyddio.

Gallwch gyflwyno gwybodaeth ychwanegol rydych chi'n ei hystyried yn ddefnyddiol i gefnogi eich cais. Gall hyn fod yn gynlluniau prosiect, cynlluniau cyfathrebu, diagramau sefydliadau a pherthnasau.

2. E-bostiwch eich cais cyflawn at: Etholiadau.Elections@llyw.cymru.

Os oes angen y pecyn cais arnoch mewn fformat arall, e-bostiwch: Etholiadau.Elections@llyw.cymru.

Byddwn yn ysgrifennu at Ymgeisydd Arweiniol pob cais i roi gwybod iddynt beth yw’r canlyniad.

Oherwydd y cyllid sydd eisoes wedi'i ymrwymo yn 2024/2025, mae'r gyllideb sydd ar gael yn cael ei lleihau. Ar hyn o bryd mae gennym £40,000 o'n cyllideb o £300,000 yn weddill. Gofynnwn i bob sefydliad ystyried y wybodaeth hon wrth wneud cais.

Oherwydd cyfyngiadau amser, rydym yn byrhau hyd ffenestr y cais. Mae manylion ffenestr y cais isod:

• 19 Gorffennaf 2024: ffenestr ymgeisio am grant yn agor ar gyfer ceisiadau dros £1000
• 16 Awst 2024: Cau'r cyfnod ymgeisio am grant 

Ar ôl cau'r ffenestr ymgeisio, bydd ein panel grant yn cwrdd i asesu ceisiadau. Yna bydd sefydliadau'n cael eu hysbysu o'r penderfyniad yn ogystal â'r camau nesaf.