Crynodeb o ddiben y bwrdd a sut y bydd yn gweithio.

Diben a chylch gorchwyl

Diben y Bwrdd Teithio Llesol yw cydgysylltu gweithgarwch i gefnogi gweithrediad effeithiol Deddf Teithio Llesol (Cymru) 2013.

Bydd hyn yn cynnwys y tasgau penodol canlynol:

  • Darparu mewnbwn i adolygiad o ddarparu prosiectau teithio llesol yn effeithiol a helpu i roi unrhyw gamau gweithredu ar waith sy'n deillio o ystyriaeth y Gweinidogion
  • Cynghori ar ddatblygu a gweithredu’r Cynllun Gweithredu Teithio Llesol, gan gynnwys sicrhau darpariaeth o fewn maes cyfrifoldeb sefydliadau
  • Cynghori ar weithgarwch ehangach i gefnogi gweithredu'r Ddeddf a defnyddio teithio llesol
  • Caiff rôl ac effeithiolrwydd y Bwrdd eu hadolygu ar ôl i’r awdurdodau lleol gyflwyno Mapiau’r Rhwydwaith Integredig.

Aelodaeth

Cadeirydd

Uwch swyddog trafnidiaeth

Aelodau

Uwch swyddogion sy'n cynrychioli portffolios gweinidogol canlynol:

  • Yr Economi a Seilwaith
  • Gwasanaethau Cymdeithasol ac Iechyd y Cyhoedd
  • Addysg
  • Yr Amgylchedd a Materion Gwledig

Rhanddeiliaid allanol:

  • Cymdeithas Llywodraeth Leol Cymru
  • Anabledd Cymru
  • Living Streets
  • Sustrans
  • The Bicycle Association
  • Beicio Cymru
  • Y Cerddwyr
  • Cycling UK
  • Iechyd Cyhoeddus Cymru
  • Cyfoeth Naturiol Cymru
  • Y Gynghrair Beicio i'r Gwaith
  • Arbenigwr Annibynnol Iechyd y Cyhoedd a Thrafnidiaeth

Gwahoddir cynrychiolwyr o adrannau, sefydliadau ac unigolion eraill i fod yn bresennol neu i gyflwyno gwybodaeth yn ôl yr angen.

Gweithrediad

Mae'r Bwrdd yn adrodd i'r Ysgrifennydd y Cabinet dros yr Economi a Thrafnidiaeth.

Bydd y Bwrdd llawn yn cyfarfod deirgwaith y flwyddyn fel arfer.

Bydd unrhyw gyfathrebu y mae ei angen rhwng cyfarfodydd yn digwydd dros e-bost.

Llywodraeth Cymru fydd yn darparu’r ysgrifenyddiaeth ar gyfer y cyfarfodydd, gan ddosbarthu gwahoddiadau a llunio nodiadau, a bydd yn darparu mannau cyfarfod yn un o'i swyddfeydd.