Rydym wedi gwella cyfnewidfa cyffordd 48.
Trosolwg
Trosolwg
Ein rhesymau dros wneud hyn
Roedd problemau oedd angen eu cywiro, gan gynnwys diffyg cyfleusterau teithio llesol, mynediad cyfyngedig i Dal-y-Coed ac oddi yno a phryderon diogelwch wrth y gyffordd.
Cyffordd 48 yw'r brif gyffordd ar gyfer mynediad i Lanelli a Phontarddulais. Mae'r gwaith hwn wedi'i gynllunio er mwyn:
- ei gwneud yn haws i bobl gerdded a beicio rhwng Pontarddulais/Hendy a Llangennech/Llanelli
- byrhau amseroedd teithio:
- gwella ansawdd aer
- llai o lygredd sŵn
Cynlluniwyd y prosiect i weithio gyda llwybrau trafnidiaeth Cyngor Sir Caerfyrddin i gysylltu cymunedau.
Cwblhawyd y gwaith adeiladu ym mis Rhagfyr 2021.
Beth rydym wedi'i wneud
Rydym wedi darparu:
- signalau traffig newydd ar yr M4 oddi ar y ffordd ymadael tua'r gorllewin a chyffordd Tal-y-Coed
- mesurau rheoli lonydd ar yr A4138 tua'r de
- gwelliannau i holl gyffyrdd yr M4 gyda'r A4138
- llwybr troed a llwybr beicio cyfun ar hyd yr A4138 rhwng Hendy a Llangennech
- gwella cynefinoedd pathewod.
Sut aethon ni ati i ymgynghori
Oherwydd y pandemig cytunwyd ar gynllun ymgysylltu amgen. Roedd y ddogfen ymgynghori ar gael ar wefan Llywodraeth Cymru. Roedd y ddwy ddogfen yn cynnwys ffeiliau sain ar gyfer y rhannol ddall. Darparwyd cyfeiriad e-bost penodol i gynllun fel y gallai pobl e-bostio eu hymholiadau.
Gwnaethom ymgynghori ag aelodau etholedig lleol ym mis Rhagfyr 2020. Anfonwyd llythyr hefyd at drigolion a busnesau lleol yn eu hysbysu o'r ymgynghoriad.
Ydy'r gwelliannau wedi gweithio?
Ar ôl cwblhau’r gwaith adeiladu, rydym wedi defnyddio arolygon traffig ac arolygon lleol i gasglu'r wybodaeth isod.
Gwella'r cysylltiad o'r M4 i'r A4138
Dywedodd 75% o'r ymatebwyr fod y cynllun wedi gwella effeithlonrwydd y gyffordd i yrwyr i ryw raddau.
Gwella'r cysylltiad o'r A4138 i'r M4
Dywedodd 75% o'r ymatebwyr fod y cynllun wedi gwella effeithlonrwydd y gyffordd i yrwyr i ryw raddau.
Sicrhau nad yw'r ciwio ar y ffordd ymadael yn ymestyn i'r M4
Mae’r ciwiau ar lôn 1 a lôn 2 o'r M4 ar ffordd ymadael y gorllewin Cyffordd 48 bellach yn llai ar gyfartaledd a phan maent ar eu gwaethaf.
Gwella amseroedd teithio cyfnod brig ar yr A4138 o'r Hendy/M4 i oleuadau traffig Tal-y-clun
Nid yw amseroedd teithio wedi newid yn sylweddol.
Gwella amseroedd teithio ar yr A4138 o oleuadau traffig Tal-y-clun a'r Hendy/M4
Roedd 50% o'r ymatebwyr yn teimlo bod rhywfaint o ostyngiad mewn amser teithio.
Cyfrannu at Nodau Deddf Teithio Llesol (Cymru) 2013 Cyngor Sir Caerfyrddin
Ehangwyd y droedffordd bresennol i greu llwybr defnydd a rennir, gan gysylltu â rhwydwaith presennol Cyngor Sir Caerfyrddin.
Roedd 63% o'r ymatebwyr yn teimlo fod y cynllun wedi gwella teithio llesol yn yr ardal.
Beth yw'r newidiadau
Darlun 1: Golygfa o'r awyr o'r cynllun sydd wedi'i gwblhau, i'r de o'r M4.
Darlun 2: Golygfa o'r awyr ar gynllun cyffordd 48 yr M4 wedi'i gwblhau, a adeiladwyd gan ystyried yr amgylchedd Eco gyfoethog.
Darlun 3: Yn dangos y goleuadau traffig newydd a chynllun ffordd mwy diffiniedig. Gwella diogelwch ar y ffyrdd ac effeithlonrwydd llif y traffig.
Darlun 4: Golygfa ogleddol yn dangos y Llwybr Defnydd a Rennir newydd ger yr A4138.