Trosolwg o'r farchnad lafur: Mawrth 2021 (a elwid gynt yn Ystadegau economaidd allweddol)

Prif ddangosyddion y farchnad lafur, y 3 mis hyd at fis Ionawr 2021

Mae’r prif ddangosyddion llafurlu sydd wedi’u hamcangyfrif o’r Arolwg o’r Llafurlu yn rhoi arwydd o sut mae’r pandemig coronafeirws (COVID-19) yn effeithio’r llafurlu. Gellir hefyd defnyddio’r ffynonellau data eraill, megis nifer y gweithwyr cyflogedig a gyflwynir yn nes ymlaen yn y pennawd hwn, i roi darlun mwy amserol a chyflawn.

Caiff ymatebion yr Arolwg o'r Llafurlu (LFS) eu pwysoli i amcanestyniadau poblogaeth swyddogol. Gan fod yr amcanestyniadau presennol yn seiliedig ar 2018 maent ar sail tueddiadau demograffig cyn y pandemig COVID-19. Mae SYG yn dadansoddi cyfansymiau'r boblogaeth a ddefnyddir yn y broses bwysoli ac efallai yn gwneud addasiadau os yw'n briodol. Mae'r cyfraddau a gyhoeddir o'r LFS yn parhau i fod yn gadarn; fodd bynnag, dylid bod yn ofalus wrth ddefnyddio lefelau a newidiadau mewn lefelau.

Cyfradd cyflogaeth

Image

Cymru: Roedd y gyfradd gyflogaeth yng Nghymru yn 72.1%, i fyny 0.3 pwynt canran ers y chwarter blaenorol ac i lawr 2.3 pwynt canran ers yr un cyfnod flwyddyn ynghynt. Mis Medi i fis Tachwedd yn dangos y gostyngiad blynyddol ail fwyaf ers i gofnodion tebyg ddechrau yn 1992 (2.4 pwyntiau canran).

DU: Roedd y gyfradd gyflogaeth ar gyfer y DU yn 75.0%, i lawr 0.3 pwynt canran ers y chwarter blaenorol ac i lawr 1.5 pwynt canran ers yr un cyfnod flwyddyn ynghynt. Dyma’r gostyngiad blynyddol mwyaf yn y gyfradd gyflogaeth ers mis Rhagfyr i fis Chwefror 2010.

Cyfradd diweithdra

Image

Cymru: Roedd y gyfradd diweithdra yng Nghymru yn 4.5%, i lawr 0.1 pwynt canran ers y chwarter blaenorol ac i fyny 1.1 pwynt canran ers yr un cyfnod flwyddyn ynghynt. Mae ffigurau mis Medi i fis Tachwedd yn dangos y cynnydd blynyddol mwyaf ers mis Gorffennaf i fis Medi 2011 (1.6 pwyntiau canran).

DU: Roedd y gyfradd diweithdra’r DU yn 5.0%, i fyny 0.1 pwynt canran ers y chwarter blaenorol ac i fyny 1.1 pwynt canran ers yr un cyfnod flwyddyn ynghynt. Mae ffigurau mis diwethaf (mis Hydref i fis Rhagfyr) yn dangos y cynnydd blynyddol mwyaf yn y gyfradd diweithdra (1.3 pwynt canran) ers mis Hydref i fis Rhagfyr 2009.

Cyfradd anweithgarwch economaidd

Image

Cymru: Roedd y gyfradd anweithgarwch economaidd yng Nghymru yn 24.4%, i fyny 0.4 pwynt canran ers y chwarter blaenorol ac i fyny 1.4 pwynt canran ers yr un cyfnod flwyddyn ynghynt.

DU: Roedd y gyfradd anweithgarwch economaidd ar gyfer y DU yn 21.0%, i fyny 0.3 pwynt canran ers y chwarter blaenorol ac i fyny 0.6 pwynt canran ers yr un cyfnod flwyddyn ynghynt. Hyn yw’r cynnydd blynyddol mwyaf ers mis Chwefror a Ebrill 2010.

Enillion misol gweithwyr cyflogedig o Wybodaeth Amser Real Talu wrth Ennill

Mae’r Swyddfa Ystadegau Gwladol a Cyllid a Thollau Ei Mawrhydi yn cyhoeddi data ar gyfer Cymru am weithwyr sydd ar gyflogres, tâl cymedrig, tâl yn ei grynswth ac amcangyfrifon un mis ar gyfer tâl canolrifol.

Gweithwyr cyflogedig

Image

Mae nifer y gweithwyr cyflogedig wedi cynyddu yn gyffredinol yn ddiweddar, ond wedi gostwng yn ystod y pandemig.

Mae amcangyfrifon cynnar ar gyfer Chwefror 2021 yn dangos bod 1.24 miliwn o weithwyr cyflogedig yng Nghymru.  Roedd hyn yn ostyngiad o 25,000 (2.0%) o gymharu â mis Chwefror 2020, ond yn gynnydd bach o 10,100 (0.8%) o gymharu â’r pwynt isaf ym mis Tachwedd 2020.