Trefniadau ar gyfer monitro perfformiad, ansawdd a risgiau diogelwch ar draws ein system iechyd.
Cynnwys
Yn unol â'r trefniadau uwchgyfeirio ac ymyrryd ar y cyd, cynhelir cyfarfodydd o leiaf ddwywaith y flwyddyn rhwng:
- Swyddogion Llywodraeth Cymru
- Archwilio Cymru
- Arolygiaeth Gofal Iechyd Cymru
Maent yn trafod sefyllfa pob un o'r byrddau iechyd, ymddiriedolaethau’r GIG a’r awdurdodau iechyd arbennig o ran:
- llywodraethiant
- arweinyddiaeth, gallu a diwylliant
- perfformiad a chanlyniadau
- cyllid, strategaeth a chynllunio
- ansawdd y gofal
- gwasanaethau sy'n agored i niwed
- materion eraill fel y bo'n briodol
Mae gwybodaeth a thystiolaeth o'r cyfarfodydd hyn yn cael eu hystyried ymhellach ac mae Llywodraeth Cymru yn gwneud argymhellion i'r Ysgrifennydd y Cabinet dros Iechyd a Gofal Cymdeithasol ynghylch lefelau uwchgyfeirio yn y dyfodol.
Mae ein fframwaith goruchwylio ac uwchgyfeirio yn nodi sut rydym yn adolygu perfformiad ac yn asesu risgiau ar draws y GIG.
Ceir pum lefel uwchgyfeirio ar hyn o bryd.
Pum lefel o drefniadau llywodraethu
Lefel 1
Mae sefydliadau’r GIG yn gyfrifol am gynnal trefniadau llywodraethu priodol. Mae angen iddynt sicrhau bod y rhain yn effeithiol er mwyn darparu gofal diogel o ansawdd da.
Lefel 2
Bydd Llywodraeth Cymru yn cyfarfod â sefydliad y GIG i archwilio natur a lefel y pryder. Bydd disgwyl i sefydliad y GIG ymateb i'r pryderon hyn.
Lefel 3
Bydd sefydliadau’r GIG yn sefydlu prosesau effeithiol i ymdrin â materion sy’n peri pryder. Bydd Llywodraeth Cymru yn cydgysylltu gweithgarwch, yn arsylwi, yn herio ac yn adolygu’r hyn a gyflawnir.
Lefel 4
Bydd Llywodraeth Cymru, cyrff eraill y GIG neu gyrff adolygu allanol yn gweithio gyda sefydliadau pan fo pryderon difrifol wedi’u nodi. Gallai cymorth gynnwys gwaith am gyfnod penodol megis:
- mentora
- cyngor gan unigolion profiadol sydd â’r sgiliau clinigol neu’r sgiliau llywodraethu angenrheidiol
- gwaith adolygu
Lefel 5
O dan amgylchiadau eithriadol, gall Llywodraeth Cymru nodi pryderon difrifol iawn am un o sefydliadau'r GIG. Caiff Gweinidogion Cymru ymyrryd fel y nodir yn Neddf y GIG (Cymru) 2006. Gall hyn gynnwys darparu cymorth wedi'i dargedu, atal neu ddileu pwerau a dyletswyddau aelodau unigol neu holl aelodau bwrdd sefydliad y GIG.
Dewis olaf yw'r pwerau ffurfiol hyn, pan fo pob ymyrraeth arall yn annhebygol o lwyddo.
Statws uchwgyfeirio sefydliadau’r GIG yng Nghymru
Bwrdd Iechyd Prifysgol Aneurin Bevan
Lefel 4 ar gyfer cyllid, strategaeth a chynllunio.
Lefel 3 ar gyfer perfformiad a chanlyniadau sy’n gysylltiedig â llwybrau gofal brys ac argyfwng yn adran frys Ysbyty Athrofaol y Faenor.
Bwrdd Iechyd Prifysgol Betsi Cadwaladr
Lefel 5 (ers mis Chwefror 2023).
Bwrdd Iechyd Prifysgol Caerdydd a'r Fro
Lefel 3 ar gyfer cyllid, strategaeth a chynllunio.
Bwrdd Iechyd Prifysgol Cwm Taf Morgannwg
Lefel 3 ar gyfer cyllid, strategaeth a chynllunio.
Lefel 3 ar gyfer perfformiad a chanlyniadau sy’n ymwneud ag iechyd meddwl plant a phobi ifanc (CAMHS).
Lefel 4 ar gyfer perfformiad a chanlyniadau sy’n ymwneud â gofal brys ac argyfwng, canser a gofal a gynlluniwyd.
Bwrdd Iechyd Prifysgol Hywel Dda
Lefel 4.
Bwrdd Iechyd Addysgu Powys
Lefel 4 ar gyfer cyllid, strategaeth a chynllunio.
Bwrdd Iechyd Prifysgol Bae Abertawe
Lefel 3 ar gyfer gwasanaethau mamolaeth a newyddenedigol.
Lefel 4 ar gyfer cyllid, strategaeth a chynllunio.
Lefel 4 ar gyfer perfformiad a chanlyniadau.
Ymddiriedolaeth GIG Iechyd Cyhoeddus Cymru
Lefel 1.
Ymddiriedolaeth GIG Prifysgol Felindre
Lefel 1.
Ymddiriedolaeth GIG Gwasanaethau Ambiwlans Cymru
Lefel 1.
Iechyd a Gofal Digidol Cymru
Lefel 1.
Addysg a Gwella Iechyd Cymru
Lefel 1.
Gellir dod o hyd i statws uwchgyfeirio blaenorol sefydliadau mewn datganiadau ysgrifenedig.
Gwybodaeth ychwanegol
Uwchgynadleddau gweinidogol
Cynhaliwyd cyfres o gyfarfodydd uwchgynadleddau gweinidogol ar ofal cymdeithasol ac iechyd ynghylch gwasanaethau ac arbenigeddau gofal a gynlluniwyd.
Fframwaith goruchwylio ac uwchgyfeirio
Mae'r fframwaith goruchwylio ac uwchgyfeirio diwygiedig yn darparu canllawiau i fyrddau iechyd, ymddiriedolaethau ac awdurdodau iechyd arbennig ynghylch sut rydym yn nodi pryderon difrifol yn y GIG, ac yn ymateb i'r rhain.
Casgliad ar gyfer mesurau arbennig Bwrdd Iechyd Prifysgol Betsi Cadwaladr (BIPBC) 2023.