Trafnidiaeth rheilffyrdd: Ebrill 2017 i Fawrth 2018

Teithiau ar drenau

• Cynyddodd nifer y teithiau ar drenau yng Nghymru yn 2017-18, gan gyrraedd ei lefelau uchaf erioed.
• Roedd 31.0 miliwn o deithiau ar drenau a ddechreuodd neu a orffennodd yng Nghymru yn 2017-18, sy'n gynnydd o 1.9% o'i gymharu â'r flwyddyn flaenorol. Roedd dros ddwy ran o dair (69%) o'r teithiau hyn o fewn Cymru.
• Cynyddodd nifer y teithiau ar drenau o fewn Cymru i 21.5 miliwn yn 2017-18, a 1.3% o gynnydd o gymharu â 2016-17.
• Caerdydd oedd y gyrchfan fwyaf cyffredin ar gyfer teithiau yng Nghymru, gan gyfrifo am 41% o bob taith.

Marwolaethau

• Yn 2017 roedd 13 o farwolaethau ar reilffyrdd, 11 yn hunan-laddiadau.
• Yn ddiweddar bu rhwng 8 a 12 o hunanladdiadau bob blwyddyn a rhwng 1 a 4 o farwolaethau eraill.

Troseddau

• Yn 2017-18, bu cynnydd o 15.3% o droseddau hysbysadwy a gofnodwyd.
• Cofnodwyd 1,369 o droseddau hysbysadwy ar reilffyrdd Cymru yn 2017-18, sy'n gynnydd o 182 o'r flwyddyn flaenorol.

Bodlonrwydd teithwyr

• Mae lefelau bodlonrwydd cyffredinol teithwyr wedi bod yn gymharol sefydlog yn ddiweddar.
• Yn ystod yr hydref 2018 roedd 82% o deithwyr yn fodlon gyda'u taith ar y cyfan. Mae lefelau bodlonrwydd a thueddiadau diweddar yn debyg yng Nghymru a Phrydain Fawr yn gyffredinol.