Tlodi parhaus: 2023
Ar gyfer y cyfnod a ddaeth i ben yn 2023, data ar bobl mewn tlodi parhaus, a ddiffinnir fel eu bod mewn tlodi incwm cymharol am o leiaf 3 allan o’r 4 blynedd yn olynol.
Efallai na fydd y ffeil hon yn gyfan gwbl hygyrch.
Ar y dudalen hon
Cyflwyniad
Daw data ar dlodi parhaus yng Nghymru o’r Adran Gwaith a Phensiynau ac mae'n seiliedig ar set ddata arolwg hydredol Deall Cymdeithas. Yn eu hadroddiad Dynameg Incwm (Adran Gwaith a Phensiynau) maent yn diffinio person i fod mewn tlodi parhaus os yw ef neu hi mewn tlodi incwm cymharol am o leiaf 3 allan o 4 blynedd yn olynol.
Mae'r ffigurau isod yn amodol ar ddiwygiadau yn y dyfodol i wella ansawdd data. Gellir casglu gwybodaeth newydd gan ymatebwyr sy'n effeithio ar eu data mewn blynyddoedd cynharach. Am y rheswm hwn, dylai defnyddwyr gyfeirio at adroddiad diweddaraf Dynameg Incwm yr Adran Gwaith a Phensiynau ar gyfer data ar gyfnodau blaenorol.
Y prif bwyntiau
- Ar ôl talu costau tai roedd gan unigolyn yng Nghymru debygolrwydd o 12% o fod mewn tlodi parhaus rhwng 2019 a 2023 (ar ôl talu costau tai).
- Mae’r tebygolrwydd o fod mewn tlodi parhaus yn amrywio yn ôl rhanbarth/gwlad. Yn Lloegr, y ffigur oedd 12%, yn yr Alban 14%, ac yng Ngogledd Iwerddon 10% (ar ôl talu costau tai).
- Roedd gan blentyn yng Nghymru debygolrwydd o 16% o fod mewn tlodi parhaus rhwng 2019 a 2023 (ar ôl talu costau tai).
- Roedd hyn yn is na’r tebygolrwydd ar gyfer Lloegr (18%), yr Alban (23%) ond yn uwch nag yng Ngogledd Iwerddon (14%).
- Roedd gan oedolyn o oedran gweithio yng Nghymru debygolrwydd o 11% o fod mewn tlodi parhaus rhwng 2019 a 2023 (ar ôl talu costau tai).
- Roedd hyn yr un fath ag yn Lloegr a’r Alban. Roedd y ffigwr ar gyfer Gogledd Iwerddon yn is (10%).
- Roedd gan bensiynwr a oedd yn byw yng Nghymru rhwng 2019 a 2023 debygolrwydd o 12% o fod mewn tlodi parhaus (ar ôl talu costau tai).
- Roedd hyn yn uwch na'r tebygolrwydd yn Lloegr, yr Alban (y ddau yn 11%), ac Gogledd Iwerddon (6%).
