Tlodi parhaus: 2020

Daw data ar dlodi parhaus yng Nghymru hefyd o DWP. Yn eu hadroddiad Dynameg Incwm maent yn diffinio person i fod mewn tlodi parhaus os yw ef neu hi mewn tlodi incwm cymharol am o leiaf 3 allan o 4 blynedd yn olynol.

Prif bwyntiau

• Ar ôl talu costau tai roedd gan unigolyn yng Nghymru debygolrwydd o 12% o fod mewn tlodi parhaus rhwng 2016 a 2020.
• Mae’r tebygolrwydd o fod mewn tlodi parhaus yn amrywio yn ôl rhanbarth/gwlad. Yn Lloegr, y ffigur yw 12%, yn yr Alban mae'n 10%, ac yng Ngogledd Iwerddon mae'n 9%.
• Roedd gan blentyn yng Nghymru debygolrwydd o 13% o fod mewn tlodi parhaus rhwng 2016 a 2020 (ar ôl talu costau tai).
• Roedd hyn yn is nag ar gyfer Lloegr (19%) ond yn uwch nag yn Ngogledd Iwerddon (12%) a'r Alban (10%).
• Roedd gan oedolyn o oedran gweithio yng Nghymru debygolrwydd o 13% o fod mewn tlodi parhaus rhwng 2016 a 2020 (ar ôl talu costau tai).
• Roedd hyn yn uwch na'r ffigur ar gyfer Lloegr (11%), yr Alban a Gogledd Iwerddon (10%).
• Roedd gan bensiynwr a oedd yn byw yng Nghymru rhwng 2016 a 2020 debygolrwydd o 10% o fod mewn tlodi parhaus (ar ôl talu costau tai).
• Mae hyn yn is na'r tebygolrwydd yn Lloegr a'r Alban, sef 11%. Y tebygolrwydd yng Ngogledd Iwerddon yw 5%.