Teithio Personal: 2012

Prif bwyntiau

• Ar gyfartaledd, mae pobl sy’n byw yng Nghymru yn gwneud bron i fil o deithiau'r flwyddyn, ac yn teithio tua 7,500 milltir neu 144 milltir yr wythnos.
• Mae’r defnydd o gar, unai fel gyrrwr neu deithiwr, yn dominyddu teithio personol gan bobl sy’n byw yng Nghymru. Gan gymryd 2011 a 2012 gyda’u gilydd, mae’r car yn cyfrif am 69% o’r holl deithiau ac 84% o’r pellter a deithiwyd mewn blwyddyn.
• Y ddau reswm pennaf am deithiau yw siopa ac ar gyfer ‘cymudo a busnes’ sy’n cyfrif am tua phumed o deithiau'r un; nesaf yw ‘ymweld â ffrindiau (a theulu)’ a theithio ar gyfer pob math o ddibenion hamdden, yn cynnwys ‘ond cerdded’, sy’n cyfrif am tua 15% o deithiau yr un; y tri rheswm bras olaf ar gyfer teithio yw ‘addysg ac addysg hebrwng’, ‘hebrwng arall’ a ‘busnes personol’, sy’n cyfrif am ddegfed o deithiau yr un.
• Ar gyfartaledd roedd taith bersonol un ffordd yng Nghymru yn 8 milltir. Roedd taith gerdded yn llai na milltir; roedd taith car neu drafnidiaeth breifat arall yn 9 milltir, a thaith fws leol yn 6 milltir.
• Roedd teithio personol yng Nghymru ar ei uchaf yn 2004 a 2005, disgynnodd i fod ar ei isaf tua 2007 a 2008 ac mae wedi codi’n gyson ers hyn.
• Mae 8 ym mhob 10 o siwrneiau i’r gwaith yn cael eu gwneud mewn car, ac mae’r gyfran hyn wedi bod yn sefydlog am 10 mlynedd. Mae gan Gymru’r gyfradd uchaf o bobl yn teithio i’r gwaith mewn car o unrhyw ranbarth neu wlad ym Mhrydain Fawr.
• Yng Nghymru, mae ychydig dros hanner o weithwyr yn teithio i’r gwaith mewn llai na 20 munud; ac 85% mewn llai na 40 munud.