Teithio Llesol (cerdded a beicio): Ebrill 2017 i Mawrth 2018

Mesurir Teithio Llesol isod fel cerdded am o leiaf 10 munud neu feicio, boed am y cyfan neu ran o'r daith, i gyrraedd cyrchfan arbennig. Canfuwyd y lefelau gweithgaredd canlynol (dim ond yn cynnwys teithiau a wnaed ar gyfer dibenion teithio llesol).

Prif bwyntiau

• Teithiodd 6% o oedolion ar feic o leiaf unwaith yr wythnos.
• Roedd 58% o oedolion yn cerdded o leiaf unwaith yr wythnos.
• Roedd 47% o bobl sy'n byw mewn ardaloedd trefol yn cerdded o leiaf dair gwaith yr wythnos, o'i gymharu â 33% o'r rhai o ardaloedd gwledig.
• Roedd dynion, pobl iau, y rheini heb salwch cyfyngol a'r rheini sydd â chymwysterau yn fwy tebygol nag eraill o seiclo.
• Roedd pobl ifanc, y rheini heb salwch cyfyngol, y rheini â chymwysterau a phobl o ardaloedd trefol yn fwy tebygol nag eraill o gerdded am fwy na 10 munud i gyrraedd cyrchfan arbennig.
• Mae 44% o blant yn teithio'n llesol i'r ysgol gynradd, ac 34% i'r ysgol uwchradd (data diweddaraf ar gyfer 2016-17).
• Mae'r mesur allweddol olaf yn ymwneud ag anafiadau beicio: cafodd 236 o feicwyr pedal wedi eu hanafu’n ddifrifol eu derbyn i’r ysbyty yn 2017-18 (yn seiliedig ar Gronfa Ddata Cyfnodau Cleifion Cymru).