Tanau glaswelltir: Ebrill 2019 i Fawrth 2020

Prif bwyntiau

Tanau

• Ymatebodd Awdurdodau Tân ac Achub Cymru i 2,189 o danau glaswelltir, cnydau a choedwigoedd yn 2019-20, gostyngiad o 45% ar y nifer yn 2018-19.
• Mae nifer y tanau hyn yn dueddol o amrywio ac mae'r gostyngiad hwn mewn niferoedd yn dilyn cynnydd o 92% yn 2018-19.
• Roedd llai na hanner y nifer o danau glaswelltir cynradd yn 2019-20 o’i gymharu â 2018-19.
• Gostyngodd hefyd nifer o danau eilaidd ar laswelltir 45% yn 2019-20 (o'i gymharu â 2018-19).
• Yn 2019-20, cafodd dros dri chwarter o danau ar laswelltir, cnydau a choedwigoedd eu cychwyn yn fwriadol.
• Digwyddodd 32% o danau glaswelltir yn 2019-20 ym mis Ebrill 2019, fwy na 3 gwaith cymaint ag ym mis Ebrill 2018. Dengys data’r Swyddfa Dywydd y gwelwyd 24% yn fwy o oriau o heulwen a 15% yn llai o law ym mis Ebrill 2019 o'i gymharu â Ebrill 2018.
• Digwyddodd hanner nifer y tanau glaswelltir yn 2019-20 yn Ne Cymru; 37% yng Nghanolbarth a Gorllewin Cymru a 13% yng Ngogledd Cymru.

Anafiadau

• Roedd 6 o anafiadau nad oedd yn angheuol, o ganlyniad i danau glaswelltir, cnydau a choedwigoedd yng Nghymru yn 2019-20.
• Cafwyd y farwolaeth ddiwethaf yn 2007-08 o ganlyniad i danau glaswelltir.

Difrod

• Yn 2019-20, difrododd dros hanner y tanau glaswelltir, cnydau a choedwigoedd ardaloedd llai na 20 metr sgwâr.
• Difrododd un ymhob pump o danau ardal o fwy na 200 metr sgwâr.