Tacsis a cherbydau hurio preifat: manyleb camerâu teledu cylch cyfyng
Canllawiau ar ddefnyddio systemau teledu cylch cyfyng.
Efallai na fydd y ffeil hon yn gyfan gwbl hygyrch.
Ar y dudalen hon
Cyffredinol
Nod y canllawiau hyn yw sicrhau bod systemau CCTV sydd wedi'u gosod mewn Tacsis a Cherbydau Hurio Preifat a drwyddedir gan Gyngor [nodwch enw'r cyngor] yn cael eu rheoli'n briodol tra byddant yn cael eu defnyddio i atal a chanfod troseddau; a gwella iechyd a diogelwch gyrwyr trwyddedig a theithwyr.
At ddibenion y Polisi hwn, bydd y term ‘system CCTV’ yn gymwys i unrhyw ddyfais recordio electronig sydd wedi'i chysylltu â'r tu mewn i gerbyd sydd â'r gallu technegol i ddal a chadw lluniau gweledol a recordiadau sain o'r tu mewn neu'r tu allan i'r cerbyd. Yn ogystal â'r system camera CCTV safonol, gall y rhain gynnwys, er enghraifft, ddyfeisiau megis dyfeisiau recordio data digwyddiadau/damweiniau.
Rhaid gosod a gweithredu systemau CCTV yn unol â gofynion Swyddfa'r Comisiynydd Gwybodaeth: In the picture: A data protection code of practice for surveillance cameras and personal information
Rhaid darparu datganiad cydymffurfiaeth wedi'i lofnodi gan y cwmni sy'n darparu'r system CCTV, sy'n cadarnhau bod y system yn cyd-fynd â'r fanyleb ofynnol a nodir yn y Polisi hwn.
Bydd y Polisi hwn yn gymwys i unrhyw gerbyd sy'n cynnwys system CCTV fel y'i disgrifiwyd uchod.
Diben CCTV
Mae'r Cyngor yn credu y bydd yn gwella diogelwch gyrwyr/teithwyr mewn cerbydau trwyddedig drwy wneud y canlynol:
- Atal troseddau rhag cael eu cyflawni
- Lleihau ofn trosedd
- Helpu'r heddlu gydag ymchwiliadau troseddol
- Helpu cwmnïau yswiriant i ymchwilio i ddamweiniau cerbydau modur
Gofynion o ran CCTV
Mae defnyddio systemau CCTV mewn cerbydau trwyddedig yn wirfoddol.
Rhaid i unrhyw system CCTV, o leiaf, fodloni'r gofynion a nodir yn y fanyleb yn Anecs A i'r canllaw hwn. Dim ond systemau CCTV sy'n bodloni'r gofynion hyn y gellir eu gosod mewn cerbydau hacni a cherbydau hurio preifat.
Lawrlwytho data
Dim ond at y dibenion canlynol y caiff data eu lawrlwytho:
a) Mewn ymateb i gais dilys am fynediad at ddata a wneir o dan Ddeddf Diogelu Data 2018, mewn perthynas â'r cerbyd/gyrrwr.
b) Mewn ymateb i Gais am Fynediad at Ddata gan y Testun sy'n cydymffurfio â Deddf Diogelu Data 2018.
c) Pan fydd cŵyn ysgrifenedig wedi'i gwneud i'r Awdurdod Trwyddedu mewn perthynas â'r cerbyd/gyrrwr ac na ellir datrys y gŵyn mewn unrhyw ffordd arall.
Ceir rhagor o wybodaeth am lawrlwytho data o systemau CCTV ym Mholisi Lawrlwytho'r Awdurdod Trwyddedu [mewnosodwch ddolen i'r polisi ar wahân].
Cadw data
Dim ond am y cyfnodau canlynol y cedwir data a adalwyd gan yr Awdurdod Trwyddedu:
a) Achosion sy'n arwain at erlyn 10 mlynedd o ddyddiad y treial
b) Rhybuddiad ffurfiol 3 blynedd o ddyddiad y rhybuddiad
c) Rhybudd ysgrifenedig neu benderfyniad i beidio â chymryd unrhyw gamau ffurfiol 3 blynedd o ddyddiad y penderfyniad
d) Cais am Fynediad at Ddata gan y Testun 6 blynedd o ddyddiad y cais.
Rheolydd data
Mae Swyddfa'r Comisiynydd Gwybodaeth yn diffinio “rheolydd data” fel y corff sydd â chyfrifoldeb cyfreithiol, o dan Ddeddf Diogelu Data 2018, am bob mater sy'n ymwneud â defnyddio data personol. At ddibenion gosod a gweithredu system CCTV mewn Cerbydau Hacni a Cherbydau Hurio Preifat, y “rheolydd data” fydd cyngor.
Prosesydd Data Trydydd Parti
Os defnyddir darparwr gwasanaeth i storio data CCTV o bell, bydd yn gweithredu “prosesydd data”. Ystyr prosesydd data, mewn perthynas â data personol, yw unrhyw berson (ac eithrio un o gyflogeion y rheolydd data) sy'n prosesu data ar ran y rheolydd data, mewn ymateb i gyfarwyddiadau penodol. Fodd bynnag, mae'r rheolydd data yn parhau i fod yn gwbl gyfrifol am weithredoedd y prosesydd data.
Rhaid i bob system CCTV yng Ngherbydau Hacni a Cherbydau Hurio Preifat trwyddedig [mewnosodwch fanylion] gael ei gosod gan ddarparwr gwasanaeth sy'n gweithredu fel prosesydd data, a gymeradwywyd gan y Cyngor. I gael manylion darparwyr cymeradwy, cysylltwch â [mewnosodwch fanylion].
Asesiad o'r Effaith ar Breifatrwydd
Mae'r Awdurdod Trwyddedu wedi llunio asesiad o'r effaith ar breifatrwydd er mwyn ystyried yr angen am CCTV, sicrhau bod preifatrwydd wedi'i ystyried a rhoi rheolaethau priodol ar waith i sicrhau cyn lleied o ymyrraeth â phosibl a diogelu'r data.
Arwyddion
Rhaid gosod arwyddion y tu mewn i bob Cerbyd Hacni a Cherbyd Hurio Preifat sydd â system CCTV i ddangos bod system CCTV ar waith. Rhaid gosod o leiaf 3 arwydd yn y cerbyd (1 ar ochr y teithiwr yn y blaen, ac un ar bob ochr i'r cerbyd yn y cefn).
Rhaid i arwyddion gael eu gosod mewn mannau priodol er mwyn sicrhau eu bod mor weladwy â phosibl i deithwyr, cyn ac ar ôl iddynt fynd i mewn i'r cerbyd.
Yn y nifer bach o amgylchiadau lle y gellir cyfiawnhau defnyddio dyfeisiau recordio sain, rhaid i arwyddion nodi'n glir iawn fod dyfeisiau recordio sain yn cael eu defnyddio neu y gallent gael eu defnyddio a dylid sôn wrth y teithwyr am hyn.
Recordiadau sain
Caniateir i systemau CCTV cymeradwy gael eu defnyddio i recordio sain, ond ni ddylent allu recordio sain yn barhaus.
Dim ond drwy fotwm ‘panig’ a weithredir gan y gyrrwr neu'r teithiwr y gellir recordio sain. Dim ond o dan yr amgylchiadau canlynol y gall y gyrrwr weithredu'r ddyfais recordio sain:
- os bydd yn credu bod risg i'w ddiogelwch ei hun neu ddiogelwch yr unigolyn sy'n teithio yn ei gerbyd
- os bydd yn pryderu ynghylch iaith a allai fod yn aflonyddol neu'n sarhaus
- Eer mwyn diogelu ei fywoliaeth e.e. anghydfodau ynghylch talu, pryder ynghylch difrod posibl i'r cerbyd.
O dan yr amgylchiadau cyfyngedig hyn, lle y gellir cyfiawnhau defnyddio dyfeisiau recordio sain, rhaid i arwyddion nodi'n glir fod dyfais recordio sain yn cael ei defnyddio.
Cynnal a Chadw'r System a'i Defnyddio
Rhaid i'r system gael ei chynnal a'i chadw a'i defnyddio yn unol â'r amodau trwyddedu cerbydau hacni/cerbydau hurio preifat a nodir yn Anecs B.
Annecs A: gofynion sylfaenol system CCTV
|
1.0 Gofynion technegol gweithredol |
||
|
Cyf |
Gofyniad |
Manylion |
|
1.1 |
System cyflwr solet 100% neu system y profwyd y gall wrthsefyll dirgrynu a sioc |
Ni ddylai fod gan y system unrhyw ffan a dylai'r recordiad allu gwrthsefyll dirgrynu a sioc, h.y.: – SSD seiliedig ar Flash (gradd ddiwydiannol 100%), – Disg caled â system gwrthsefyll dirgrynu a sioc a system ysgrifennu ffeiliau hunanadfer a hunanwirio. |
|
1.2 |
8-15 Folt DC |
Yn weithredol rhwng 8 a 15 Folt DC |
|
1.3 |
Wedi'i diogelu rhag gwrthbolaredd |
Bydd y system wedi'i diogelu rhag gwrthfoltedd. |
|
1.4 |
Atal siortio |
Bydd y system wedi'i diogelu rhag siortio |
|
1.5 |
Diogelu rhag gorfoltedd |
Bydd y system wedi'i diogelu rhag cerhyntau byr â foltedd uchel sy'n debygol o ddigwydd yn system drydanol y cerbyd. |
|
1.6 |
Gofynion o ran Cytunedd Electromagnetig Modurol
|
Rhaid i'r system camera tacsi yn y cerbyd gydymffurfio â Chyfarwyddebau'r Cyngor:
(CISPR 22/EN55022),
6.8 a 6.9) Felly, dylai'r cyfarpar camera tacsi fod wedi'i e-farcio neu wedi'i CE-farcio gyda chadarnhad gan wneuthurwr y cyfarpar nad yw'n ymwneud ag imiwnedd a'i fod yn addas i'w ddefnyddio mewn cerbydau modur. |
|
1.7 |
Switsh actifadu'r system (ymlaen / diffodd) wedi'i osod mewn man lle na ellir ei gyrraedd o'r |
Mae angen i'r system fod ar waith pryd bynnag mae'r cerbyd yn cael ei ddefnyddio fel cerbyd trwyddedig. Rhaid i'r switsh sy'n dadactifadu'r system fod wedi'i osod yng nghist y cerbyd neu adran yr injan (h.y. dim ond o'r tu allan i'r cerbyd y dylai fod yn bosibl i'r system gael ei dadactifadu)
|
|
1.8 |
Egwyddor byffer recordio y cyntaf i mewn/y cyntaf allan |
|
|
1.9 |
System osodedig i gofnodi pob gweithred fynediad yn awtomatig, gan gynnwys dyddiadau ac enwau personél |
|
|
1.10 |
Diogelwch a hyd ffeiliau cofnodi a'u glanhau'n awtomatig |
|
|
1.11 |
Fformatau a chyfryngau allforio delweddau |
Rhaid i ddelweddau gael eu hallforio mewn fformatau sydd ar gael yn fasnachol.
|
|
1.12 |
Diogelu delweddau pan fo toriad yn y cyflenwad trydan |
Rhaid cadw delweddau os collir y cyflenwad trydan. Ni chaniateir defnyddio batri wrth gefn.
|
|
1.13 |
Rhaid i'r uned weithio heb danio'r cerbyd. |
Rhaid i'r Uned allu gweithio am o leiaf 2 awr heb drydan o'r system danio.
|
|
1.14 |
Caiff data delweddau a data sain eu recordio e'u storio mewn uned ar wahân i ben y camera. |
|
|
1.15 |
Gallu GPS |
Rhaid i'r system fod yn gytûn er mwyn darparu ar gyfer gallu GPS. |
|
1.16 |
Rhaid i'r system allu recordio amser sain wedi'i gydamseru â'r delweddau sy'n cael eu recordio. |
|
|
1.17 |
Ni fydd y system yn recordio sain ac eithrio pan fydd y cyfleuster recordio sain wedi'i actifadu drwy ddefnyddio sbardun cymeradwy.
|
Dylai'r system allu dechrau recordio data sain drwy ddefnyddio o leiaf ddau fotwm sbardun (gweler 1.26 isod hefyd). Rhaid i un botwm sbardun allu cael ei actifadu gan y gyrrwr. Ar ôl i'r sbardun gael ei actifadu, rhaid i'r system ddechrau recordio data sain. Bydd y system yn parhau i recordio sain nes i'r un sbardun gael ei actifadu eto. Pan gaiff y sbardun ei actifadu am yr ail dro dylai'r system roi'r gorau i recordio sain (e.e. gellid gwasgu botwm i ddechrau recordio sain, h.y. byddai'r sbardun, a allai fod yn fotwm, er enghraifft, yn cael ei wasgu i ddechrau recordio sain, byddai gwasgu'r botwm am yr ail dro yn peri i'r system roi'r gorau i recordio sain). Rhaid i'r ail fotwm sbardun allu cael ei actifadu gan y teithwyr yn y cerbyd yn annibynnol ar y gyrrwr. Ar ôl i'r sbardun gael ei actifadu, rhaid i'r system ddechrau recordio data sain. Bydd y system yn parhau i recordio sain nes i'r un sbardun gael ei actifadu eto. Pan gaiff y sbardun ei actifadu am yr ail dro dylai'r system roi'r gorau i recordio sain (h.y. byddai'r sbardun, a allai fod yn fotwm, er enghraifft, yn cael ei wasgu i ddechrau recordio sain, byddai gwasgu'r botwm am yr ail dro yn peri i'r system roi'r gorau i recordio sain). Rhaid i'r ddau sbardun actifadu sain fod yn annibynnol ar ei gilydd. Mae hyn yn golygu mai dim ond drwy ddefnyddio'r un sbardun (sbardun y gyrrwr neu'r teithiwr) ag a ddefnyddiwyd i actifadu'r system recordio sain y gellir dadactifadu'r system recordio sain. |
|
1.18 |
Pan gaiff y system ei sbarduno i ailchwarae deunydd sain, bydd mewn ‘amser real’ ac wedi'i gydamseru â'r delweddau a recordiwyd. |
|
|
1.19 |
Rhaid i'r signal sain gael ei samplu'n ddigidol ar amledd uwch nag 8KHz. |
|
|
1.20 |
Rhaid i eglurdeb digidol y samplau sain fod uwchlaw 10 did. |
|
|
1.21 |
Bydd y microffon sain wedi'i integreiddio ym mhen y camera. |
|
|
1.22 |
Rhaid storio data sain a data delweddau gyda'i gilydd, nid mewn ffeiliau ar wahân, a dylid eu diogelu rhag mynediad heb awdurdod ac ymyrraeth. |
|
|
1.23 |
Rhaid i'r system ddarparu ar gyfer profi'r gweithrediad sain at ddibenion gosod ac archwilio. |
|
|
1.24 |
Rhaid i'r system ‘fynd i gysgu’ er mwyn lleihau'r pŵer sy'n cael ei dynnu o'r batri yn ystod cyfnodau hir pan fydd yn segur. Bydd yn rhaid i'r system allu cael ei hailactifadu ar unwaith. |
|
|
1.25 |
Ni chaiff delweddau a gaiff eu recordio gan y system eu dangos yn y cerbyd. |
|
|
1.26 |
Dylai fod gan y system o leiaf ddau sbardun actifadu mewn argyfwng (botymau actifadu sain).
|
Rhaid i un o'r sbardunau/botymau actifadu sain allu cael ei weithredu gan y gyrrwr. Dylai fod yn annibynnol ar y switsh actifadu recordio sain. Rhaid i o leiaf un sbardun/botwm actifadu sain arall allu cael ei weithredu gan deithiwr o unrhyw sedd teithiwr yn y cerbyd. Ar ôl iddo gael ei actifadu, rhaid i'r switsh hwn sbarduno recordio deunydd fideo a sain yn unol ag adran 6.1 isod. Rhaid i'r teithiwr allu gweld hysbysiad sy'n nodi sut i stopio'r system recordio sain. |
|
1.27 |
Rhaid i'r system gynnwys dangosydd gweledol a fydd yn dangos yn glir pryd mae sain yn cael ei recordio. Rhaid i bob teithiwr yn y cerbyd allu gweld y dangosydd hwn. |
Rhaid iddo fod ar ffurf dangosydd LED sy'n rhan o'r switsh actifadu sain neu LED o bell y gall teithwyr ei weld yn glir.
|
|
2.0 Gofynion Technegol o ran Capasiti Storio |
||
|
Cyf |
Gofyniad |
Manylion |
|
2.1 |
Y gallu i recordio am o leiaf saith diwrnod (7 x 24 awr)
|
Rhaid i'r system gamera allu recordio a storio delweddau o faint HD1 (720/288) neu fwy am o leiaf 14 diwrnod. Rhaid trosysgrifo recordiadau ar ôl 28 diwrnod o'r dyddiad y'u gwnaed, ac eithrio o dan amgylchiadau eithriadol yn dilyn cais gan Heddlu …….. neu Gyngor ………. Fodd bynnag, mewn achosion o'r fath, rhaid dileu'r data ar ôl i'r mater gael ei gwblhau. |
|
2.2 |
Rhaid i ddelweddau fod yn glir ym mhob math o olau |
Bydd systemau yn darparu delweddau clir mewn haul cryf, cysgod, yn y tywyllwch ac mewn tywyllwch llwyr. Hefyd, pan geir golau ôl cryf. |
|
3.0 Gofynion Technegol o ran Pen y Camera |
||
|
Cyf |
Gofyniad |
Manylion |
|
3.1 |
Dylid gosod y camera fel nad yw'n amharu ar welededd |
Caiff y camera a holl gydrannau eraill y system eu gosod mewn ffordd nad yw'n amharu ar olwg y gyrrwr na'i allu i weld drychau neu, fel arall, weithredu'r cerbyd yn y ffordd arferol. |
|
3.2
|
System datgysylltu'r camera wedi'i diogelu |
Bydd pen y camera wedi'i ddylunio i ddatgysylltu er mwyn ei gwneud yn hawdd i bersonél cynnal a chadw ei dynnu a rhoi un newydd yn ei le. |
|
3.3
|
Offer arbennig i addasu/tynnu |
Er mwyn atal ymyrraeth amhriodol, dim ond offer a gyflenwyd i osodwyr awdurdodedig a ddylai allu gwneud addasiadau neu dynnu rhannau o'r camera. |
|
3.4
|
Maes gwelededd i recordio delweddau'r holl deithwyr yn y cerbyd |
Rhaid i lens y camera allu cynnwys y gyrrwr a phob teithiwr yn y cerbyd ar y ddelwedd a gaiff ei recordio. Rhaid defnyddio lens na fydd yn creu effaith “powlen bysgod”. |
|
3.5
|
Rhaid i ddelweddau fod yn glir |
Bydd y system yn darparu delweddau clir ym mhob math o olau ac yn ei gwneud yn bosibl i wahanol liwiau croen gael eu nodi |
|
3.6
|
Rhaid iddi allu cael ei defnyddio mewn cerbydau â phartisiwn (sgrin) |
Rhaid i'r system gamera allu cael ei haddasu i ddarparu delweddau clir pan fydd sgrin wedi'i gosod yn y cerbyd. Gellir gwneud hyn drwy ddefnyddio nifer o bennau camera. |
|
3.7
|
Nifer o gamerâu
|
Bydd yr uned yn gallu cynnal hyd at bedwar (4) camera. Efallai y bydd angen pedwar camera i sicrhau cwmpas digonol mewn cerbydau mwy o faint a/neu rai cerbydau pwrpasol. |
|
4.0 Gofynion Technegol – Dyfais Storio |
||
|
Cyf |
Gofyniad |
Manylion |
|
4.1 |
Yn gallu gwrthsefyll trawiadau a sioc |
Bydd y recordydd yn gallu gwrthsefyll trawiadau, ddigon i wrthsefyll damwain car nodweddiadol neu ergyd gwrthrych trwm megis cês dillad. |
|
4.2 |
Y rheolydd mewn man cuddiedig |
Bydd yr uned storio wedi'i chuddio o'r golwg ac yn anhygyrch ac eithrio i bersonél awdurdodedig. |
|
4.3 |
Darpariaeth porth lawrlwytho |
Bydd gan y recordydd borth cyfathrebu ar gyfer lawrlwytho gan bersonél awdurdodedig. |
|
4.4 |
Bydd porth lawrlwytho wedi'i osod mewn man hygyrch megis blwch menig. |
Bydd porth lawrlwytho'r recordydd wedi'i osod yn y blwch menig os bydd hynny'n ymarferol. Os na fydd yn ymarferol, dylid ei osod mewn man lle nad oes angen tynnu paneli a lle mae'n hygyrch. |
|
4.5 |
Hyd cebl y porth lawrlwytho (o leiaf troedfedd) |
Dylai'r porth lawrlwytho fod yn droedfedd o hyd o leiaf er mwyn hwyluso'r broses lawrlwytho. |
|
4.6 |
Dylai'r recordydd fod yn sownd wrth y cerbyd |
|
|
4.7 |
Log i gofrestru pob mynediad gan ddefnyddiwr |
|
|
4.7.1 |
Log i gofrestru addasiadau i baramedrau'r system gamera |
|
|
4.7.2 |
Log i gofrestru pob sesiwn lawrlwytho delweddau |
|
|
4.7.3 |
Log i gofrestru achosion o addasu/trin delweddau wedi'u lawrlwytho |
|
|
4.7.4 |
Log i gofrestru allforio delweddau wedi'u lawrlwytho |
|
|
4.7.5 |
Log i gofrestru allforio clipiau wedi'u lawrlwytho |
|
|
4.7.6 |
Ffeil log wedi'i diogelu rhag mynediad heb awdurdod |
|
|
4.7.7 |
Stamp amser/dyddiad |
Rhaid i bob delwedd wedi'i storio fod wedi'i stampio â'r amser a'r dyddiad. |
|
4.7.8 |
Stamp rhif adnabod cerbyd |
Dylai fod gan bob delwedd wedi'i storio ddau faes adnabod cerbyd (VIN a phlât rhif). |
|
4.7.9 |
Stamp cod adnabod na ellir ei newid ar y rheolydd |
Caiff pob delwedd wedi'i recordio ei stampio'n awtomatig â chod unigryw na ellir ei newid sy'n nodi'r rheolydd a ddefnyddiwyd i recordio'r ddelwedd |
|
4.7.10 |
Rheolydd (Recordydd Storio) |
Bydd y gwneuthurwr yn rhoi offer arbenigol i Gyngor ……… er mwyn ei gwneud yn bosibl i'r rheolydd gael ei dynnu ac i ddata gael eu lawrlwytho, yn ôl yr angen. |
|
5.0 Gofynion o ran recordio delweddau fideo a sain |
||
|
Cyf |
Gofyniad |
Manylion |
|
5.1 |
Recordio delweddau fideo pan fydd y system wedi'i hactifadu (pan na fydd y system sain wedi'i hactifadu). |
Bydd y system yn recordio delweddau ar gyfradd o bedair delwedd yr eiliad o leiaf. |
|
5.2 |
Recordio delweddau fideo pan fydd y system sain wedi'i hactifadu. |
Bydd y system yn recordio delweddau ar gyfradd o 25 o ddelweddau yr eiliad yn ystod cyfnodau pan fydd y system recordio sain wedi'i hactifadu (naill ai oherwydd gofyniad amser neu drwy gael ei hactifadu gan switsh sbardun y gyrrwr neu fotwm sain y teithiwr). |
|
5.3 |
Pan fydd wedi'i hactifadu, rhaid i sain gael ei recordio mewn amser real ac ar yr un pryd ag y mae delweddau fideo yn cael eu recordio. |
Pan fydd wedi'i hactifadu, rhaid i sain gael ei recordio mewn amser real ac ar yr un pryd ag y mae delweddau fideo yn cael eu recordio. |
|
5.4 |
Bydd y system yn parhau i recordio delweddau (a sain pan fo'n gymwys) pan fydd yr injan wedi'i diffodd. |
Rhaid i'r system barhau i recordio delweddau (a sain pan fo'n gymwys) am 30 munud ar ôl i'r injan/system danio gael ei diffodd. |
|
6.0 Gofynion o ran actifadu drwy ddefnyddio sbardun/botwm sain y gyrrwr neu'r teithiwr |
||
|
Cyf |
Gofyniad |
Manylion |
|
6.1 |
Rhaid i'r weithred o actifadu botwm sbardun ddarparu ar gyfer storio delweddau wedi'u diogelu rhag cael eu trosysgrifo pan gaiff ei actifadu gan y gyrrwr neu deithiwr. |
Dylai fod o leiaf ddau fotwm sbardun wedi'u gosod ar y system, a fydd yn sbarduno recordio sain a delweddau fideo wedi'u diogelu, ar ôl iddynt gael eu hactifadu (gweler hefyd 1.17 ac 1.26 uchod). |
|
6.2 |
Y gallu i ddiogelu delweddau rhag cael eu trosysgrifo mewn argyfwng |
Caiff cyfresi o ddelweddau sy'n deillio o actifadu'r system mewn argyfwng eu recordio mewn cof sydd wedi'i ddiogelu rhag cael ei drosysgrifo |
|
6.3 |
Y gallu i ddiogelu rhag trosysgrifo am o leiaf 3 actifadiad |
|
|
6.4 |
Hunan-glirio'r cyfleuster diogelu rhag trosysgrifo ar amserydd 96 awr |
|
|
7.0 Gofynion Technegol o ran Lawrlwytho |
||
|
Cyf |
Gofyniad |
Manylion |
|
7.1 |
Ni fydd yn cymryd mwy na 30 munud i lawrlwytho'r cof cyfan |
Caiff y broses lawrlwytho ei chwblhau mewn 30 munud neu lai. |
|
7.2 |
Darparu'r feddalwedd, ceblau, allweddi diogelwch angenrheidiol i Dîm Trwyddedu Cyngor |
|
|
7.3 |
Rhaid i'r system fod yn gytûn â system weithredu TG y cytunwyd arni â'r awdurdod lleol |
|
|
7.4 |
Caiff delweddau wedi'u lawrlwytho eu storio mewn cyfrwng sy’n dal i storio data heb bŵer trydanol |
|
|
7.5 |
Caiff delweddau wedi'u lawrlwytho eu storio mewn fformat diogel |
|
|
7.6 |
Dilysrwydd gwiriadwy delweddau
|
Bydd pob delwedd wedi'i stampio â rhif adnabod y rheolydd a rhif adnabod y cerbyd a bydd wedi'i diogelu rhag ymyrraeth. |
|
7.7 |
Darparu cymorth technegol i Dîm Trwyddedu Cyngor yn ôl yr angen. |
Helpu i gael mynediad i'r system os caiff y cerbyd neu'r system ei (d)difrodi os bydd damwain o fewn awr yn ystod oriau gwaith arferol ac o fewn 8 awr fel arall. |
|
7.8 |
Gwaherddir Lawrlwytho Di-wifr
|
Ni ddylai'r uned ei gwneud yn bosibl i lawrlwytho data'n ddi-wifr. Gellir defnyddio diagnosteg ddi-wifr. Bydd unrhyw galedwedd ddi-wifr wedi'i hanalluogi. |
|
7.9 |
Hidlo'r delweddau penodol ar gyfer digwyddiadau ac amseroedd er mwyn nodi'n fras pryd y cyflawnwyd y drosedd. |
|
|
8.0 Gofynion o ran Gwybodaeth am y System |
||
|
Cyf |
Gofyniad |
Manylion |
|
8.1 |
Darparu taflen log gwasanaeth gyda phob uned a anfonir |
Bydd gwneuthurwr yr uned yn trefnu i log gwasanaeth gael ei anfon gyda'r uned. Bydd y gwneuthurwr hefyd yn cynnwys cyfarwyddiadau manwl i'r gyrwyr gyda phob uned a anfonir. Darperir llawlyfr gosod hefyd i'r gosodwyr awdurdodedig a gweithredwyr fflydoedd. |
|
8.2 |
Nodir y rhif cyfresol ar y log gwasanaeth |
Bydd rhif cyfresol wedi'i nodi ar yr uned |
|
8.3 |
Bydd y dyddiad gosod wedi'i nodi ar y log gwasanaeth |
Y ddarpariaeth i'r gosodwr nodi'r dyddiad gosod |
|
8.4 |
Darparu cerdyn cyfarwyddiadau i'r gyrrwr gyda phob uned a anfonir |
|
|
8.5 |
Darparu llawlyfr gosod i osodwyr a gweithredwyr fflydoedd |
|
|
8.6 |
Eglurder y cyfarwyddiadau gweithredu |
Darperir cyfarwyddiadau gweithredu clir a chryno ar gyfer y system, a fydd wedi'u hysgrifennu gan roi sylw priodol i wahanol lefelau o lythrennedd. |
|
8.7 |
Caiff yr uned ei gosod gan asiantau awdurdodedig |
Caiff yr uned ei gosod gan asiantau awdurdodedig y gwneuthurwr. |
|
8.8 |
Darparu rhestr o asiantau awdurdodedig i Dîm Trwyddedu Cyngor |
Bydd y gwneuthurwr yn darparu rhestr o'r holl asiantau awdurdodedig i Dîm Trwyddedu Cyngor |
|
8.9 |
Dogfennaeth |
Rhaid i'r gwneuthurwr ddarparu cyfarwyddiadau clir a chryno sydd wedi'u hysgrifennu mewn iaith syml. (Manylion am y ffordd y mae'r system yn recordio'r delweddau) |
|
8.10 |
Diogelu Delweddau |
Rhaid i bob delwedd sy'n cael ei recordio gael ei diogelu gan ddefnyddio meddalwedd amgryptio sy'n cyrraedd safon bresennol FIPS 140-2 (lefel 2) neu safon gyfatebol neu sy'n rhagori ar y safon honno. |
|
9.0 Cyfleuster Archwilio Cerbydau |
||
|
Cyf |
Gofyniad |
Manylion |
|
9.1 |
Darparu dangosydd statws/cyflwr y system |
Bydd gan y gyrrwr ddangosydd sy'n dangos pryd y mae'r system yn weithredol a phryd nad yw'r system yn gweithio. |
|
9.2 |
Dim ond y gyrrwr a ddylai allu gweld y man lle mae dangosydd statws/cyflwr y system wedi'i osod |
Caiff y dangosyddion eu gosod lle y gallant gael eu gweld gan y gyrrwr yn unig. |
|
9.3 |
Gofyniad i ddarparu dangosydd ychwanegol |
Os bydd dangosydd wedi'i osod ar system i ddangos bod y system yn weithredol, bydd y dangosydd hwn ar wahân i'r rhai a restrwyd uchod neu o liw gwahanol er mwyn osgoi unrhyw ddryswch posibl ar ran y gyrwyr sy'n defnyddio'r system. |
|
9.4 |
Wedi'i dylunio/gosod fel y gellir ei phrofi gan Dîm Trwyddedu Cyngor ……….. (neu bersonau sy'n gweithredu ar ran y Cyngor, megis archwilwyr cerbydau) |
Bydd y system wedi'i dylunio ac wedi'i gosod fel y gall y system gael ei phrofi'n hawdd gan staff Tîm Trwyddedu Cyngor ……….. er mwyn sicrhau bod pob rhan ohoni yn gweithio a bod delweddau yn cael eu recordio fel y rhagnodwyd. |
|
10.0 Gofynion Cyffredinol o ran y System |
||
|
Cyf |
Gofyniad |
Manylion |
|
10.1 |
Rhaid i'r system allu gwrthsefyll fandaliaeth ac ymyrraeth |
|
|
10.2 |
Darparu datganiad cydymffurfiaeth |
Yn ogystal â phrawf ffurfiol ar bob agwedd ar y fanyleb gofynion hon, caiff datganiad cydymffurfiaeth ei ddarparu a'i lofnodi gan un o swyddogion y cwmni. |
|
10.3 |
Dibynadwyedd o dan amodau gweithredol ac amgylcheddol |
Bydd y system yn gweithio mewn ffordd ddibynadwy a llawn o dan yr holl amodau gweithredol ac amgylcheddol a geir wrth weithredu tacsis. |
|
10.4 |
Rhaglenadwyedd paramedrau amseru delweddau |
Bydd yn bosibl i'r amseriad a'r paramedrau gael eu newid heb orfod newid cydrannau. |
|
10.5 |
Hyfforddiant a Chymorth Technegol a Chyfarpar |
Rhaid i'r gwneuthurwr ddarparu Llawlyfr Hyfforddiant a Thechnegol i Dîm Trwyddedu Cyngor ………… |
|
10.6 |
Meddalwedd a Chaledwedd |
Bydd y gwneuthurwr yn rhoi cyflenwad o geblau a meddalwedd i Gyngor ………….. eu gosod o dan oruchwyliaeth staff awdurdodedig y Cyngor. |
|
10.7 |
Cytundeb rhwng Gwneuthurwr y Camera a Chyngor …………..
|
Cytundeb i alluogi Cyngor …………. i gael y feddalwedd berthnasol gan y Gwneuthurwr er mwyn i'r Cyngor allu cynnal y system, os bydd y Gwneuthurwr yn rhoi'r gorau i fasnachu. |
|
10.8 |
Rhaid i'r holl gyfarpar gydymffurfio ag unrhyw ofynion deddfwriaethol mewn perthynas â Rheoliadau Adeiladu a Defnyddio Cerbydau Modur |
|
Annecs B: amodau ychwanegol
Amodau trwyddedu tchwanegol ar gyfer Gyrwyr Cerbydau Hacni/Cerbydau Hurio Preifat a Cherbydau os bydd system CCTV wedi'i gosod mewn cerbyd:
Bydd perchennog y cerbyd yn sicrhau'r canlynol:
1. Ni chaiff unrhyw system CCTV ei gosod mewn cerbyd trwyddedig, oni bai bod y math o system sydd i'w gosod wedi'i gymeradwyo gan yr awdurdod trwyddedu a bod caniatâd ysgrifenedig wedi'i roi gan yr awdurdod trwyddedu yn cadarnhau'r math o system, y lleoliad a nifer y camerâu. Ni chaiff y math o system, y lleoliad na nifer y camerâu ei amrywio heb gael caniatâd yr awdurdod trwyddedu ymlaen llaw.
2. Caiff y system CCTV ei chynnal a'i chadw a'i gwasanaethu'n briodol ac yn rheolaidd yn unol â chyfarwyddiadau'r gwneuthurwr gan unigolyn cymwys addas, a gymeradwywyd gan yr awdurdod trwyddedu. Caiff cofnodion ysgrifenedig o'r holl waith cynnal a chadw a gwasanaethu eu gwneud a'u cadw gan y perchennog am o leiaf 12 mis. Darperir cofnodion ysgrifenedig o'r fath os bydd un o swyddogion awdurdodedig yr awdurdod trwyddedu neu Swyddog yr Heddlu yn gofyn amdanynt.
3. Rhaid i'r system CCTV fod yn gwbl weithredol pryd bynnag y bydd y cerbyd yn cael ei ddefnyddio i'w hurio neu am dâl. Os na fydd y system yn weithredol, ni ddylid defnyddio'r cerbyd i'w hurio nac am dâl nes y bydd wedi'i thrwsio ac yn gwbl weithredol yn unol â manyleb CCTV yr awdurdod trwyddedu.
4. Rhaid i'r system recordio a'r cerdyn cof (neu system recordio cof delweddau arall) fod wedi'u storio'n ddiogel yn y cerbyd mewn man lle na all y cyhoedd gael gafael arnynt.
5. Ni ddylai'r perchennog ymyrryd â'r system na'r ffilm sydd wedi'i recordio arni (ac ni ddylai'r perchennog ganiatáu i unrhyw berson, nad oes ganddo ganiatâd penodol yr awdurdod trwyddedu i wneud hynny, ymyrryd â'r system), ac eithrio fel y disgwylid i weithredu'r system yn unol â chyfarwyddiadau'r gwneuthurwr.
6. Dim ond un o Swyddogion Awdurdodedig yr awdurdod trwyddedu neu Swyddog yr Heddlu a all lawrlwytho'r delweddau a geir yn y ddyfais recordio.
Amodau Trwyddedu Gyrrwr Cerbyd Hacni/Cerbyd Hurio Preifat:
1. Rhaid i'r gyrrwr sicrhau bod y system CCTV yn weithredol pryd bynnag y bydd y cerbyd yn cael ei ddefnyddio i'w hurio neu am dâl. Os na fydd y system yn weithredol, ni ddylid defnyddio'r cerbyd i'w hurio nac am dâl nes y bydd wedi'i thrwsio ac yn gwbl weithredol yn unol â manyleb CCTV yr awdurdod trwyddedu.
2. Rhaid i'r system recordio sain gael ei hactifadu gan y gyrrwr o dan yr amgylchiadau canlynol:
a. Pryd bynnag y bydd plentyn (o dan 18 oed) neu oedolyn sy'n agored i niwed yn cael ei gludo yn y cerbyd ar ei ben ei hun
b. Unrhyw bryd y bydd anghydfod rhwng y gyrrwr a theithiwr a bod y gyrrwr yn teimlo ei fod mewn perygl oherwydd ymddygiad teithiwr.
3. Ni ddylai'r gyrrwr ymyrryd â'r system na'r ffilm sydd wedi'i recordio arni (ac ni ddylai'r gyrrwr ganiatáu i unrhyw berson, nad oes ganddo ganiatâd penodol yr awdurdod trwyddedu i wneud hynny, ymyrryd â'r system), ac eithrio fel y disgwylid i weithredu'r system yn unol â chyfarwyddiadau'r gwneuthurwr.