Sut i gofrestru ar gyfer Treth Gwarediadau Tirlenwi

Defnyddiwch y gwasanaeth hwn i greu cyfrif defnyddiwr er mwyn ffeilio Treth Gwarediadau Tirlenwi ar-lein, fel gweithredwr safle tirlenwi.

Bydd angen i’ch sefydliad fod wedi’i gofrestru cyn y gallwch greu cyfrif defnyddiwr.

Cyn i chi ddechrau

Os nad ydych yn siŵr a oes cyfrif eisoes yn bodoli,  e-bostiwch posttgt@acc.llyw.cymru

Bydd angen rhif cofrestru eich sefydliad arnoch gan eich gweinyddwr ar-lein i gofrestru. 

Darllenwch ein telerau ac amodau gwasanaethau ar-lein a’n polisi preifatrwydd.

Sut i greu cyfrif defnyddiwr

1. Rhowch eich cyfeiriad e-bost a dewiswch Anfon cod dilysu.
2. Bydd cod dilysu gan Microsoft yn cael ei anfon i’r cyfeiriad e-bost hwn. Mae angen i chi ddefnyddio'r cod o fewn 10 munud.
3. Os na fyddwch yn ei dderbyn ar unwaith, edrychwch yn eich ffolder 'sothach' neu 'sbam'. Cysylltwch â ni os nad ydych wedi ei dderbyn.
4. Ar ôl ei dderbyn, rhowch y cod dilysu (peidiwch â gludo) a dewiswch Gwirio'r cod.
5. Dewiswch a chadarnhewch gyfrinair, yna dewiswch Creu.
6. Bydd y sgrin nesaf yn gofyn am eich enw, rhowch hwn a dewiswch Nesaf.
7. Rhowch rif cofrestru eich sefydliad gan eich gweinyddwr ar-lein.
8. Rhowch wybod i ni drwy e-bostio posttgt@acc.llyw.cymru pan fyddwch wedi creu defnyddiwr newydd, a byddwn yn rhoi gwybod i chi pan fydd y cyfrif defnyddiwr yn cael ei actifadu.

Cymorth

Cysylltwch â'ch rheolwr cysylltiadau cwsmeriaid neu e-bostiwch posttgt@acc.llyw.cymru os oes angen unrhyw gymorth arnoch gyda'r broses hon.