Stoc tai landlordiaid cymdeithasol a rhent: ar 31 Mawrth 2021

Mae hyn yn cynnwys y 11 awdurdod lleol sydd yn cadw stoc a holl Landlordiaid Cymdeithasol Cofrestredig.  Bydd yn cynnwys tai cymdeithasol a mathau eraill o dai.

Sylwer, oherwydd pandemig y coronafeirws (COVID-19), mae’r data ar stoc tai landlordiaid cymdeithasol ar gyfer 2019-20 a rhenti ar gyfer 2020-21 yn anghyflawn. Gweler y COVID-19 a chynhyrchu ystadegau ac ymchwil gymdeithasol am ragor o wybodaeth.

Stoc

• Parhaodd cynnydd bychan (2%) yn y stoc tai cymdeithasol yng Nghymru. Roedd 235,557 o unedau tai cymdeithasol ar 31 o Fawrth 2021 o gymharu gyda 231,408(r) flwyddyn yn gynt. Roedd 235,557 o unedau tai cymdeithasol ar 31 Mawrth 2021 o gymharu â 231,408(r) ddwy flynedd ynghynt.
• O’r 235,557 o unedau tai cymdeithasol, Landlordiaid Cymdeithasol Cofrestredig oedd berchen ar 63% ac awdurdodau lleol oedd berchen ar y 37% arall.
• Ar 31 Mawrth 2021, roedd 15,480 o unedau tai eraill yn eiddo i landlordiaid cymdeithasol neu'n rhannol berchen arnynt. O’r rhain, roedd 98% yn eiddo i Landlordiaid Cymdeithasol Cofrestredig.

(r) 2018-19 data sydd wedi ei diwygiedig  ers iddi gael ei gyhoeddi o’r blaen.

Rhent

• Y rhenti wythnosol gyfartalog a osodwyd gan awdurdodau lleol ar 1 Ebrill 2021 ar gyfer 2021-22 ar gyfer yr holl dai cymdeithasol hunangynhwysol oedd £96.53. Mae'r holl dai cymdeithasol hunangynhwysol yn cynnwys anghenion cyffredinol, cysgodol, tai â chymorth eraill a gofal ychwanegol. Mae hyn yn gynnydd o 5% o'i gymharu â 2019-20.
• Y rhent wythnosol cyfartalog cyfatebol ar gyfer stoc landlordiaid cymdeithasol cofrestredig ar gyfer 2021-22 oedd £98.17. Mae hyn hefyd yn gynnydd o 5% o'i gymharu â 2019-20.
• Mae'r bwlch rhwng lefelau rhent wythnosol cyfartalog awdurdodau lleol a landlordiaid cymdeithasol cofrestredig wedi lleihau yn ystod y blynyddoedd diwethaf. Ar gyfer 2021-22, roedd rhent wythnosol cyfartalog a osodwyd gan landlordiaid cymdeithasol cofrestredig yn uwch gan £1.64.